ސްރީ ލަންކާގެ އިގްތިސާދީ ހާލަތު ރަނގަޅުކުރަން އެ ގައުމަށް އެހީ ހޯދުމަށްޓަކައި ރާއްޖޭގެ ރައްޔިތުންގެ މަޖިލީހުގެ ރައީސް މުހައްމަދު ނަޝީދުއާ އެ ގައުމުގެ ސަރުކާރުން މިއަދު ހަވާލު ކުރައްވައިފި އެވެ.
ލަންކާގެ ބޮޑުވަޒީރު ރަހިން ވިކްރަމަސިންހަ އެގޮތަށް ނިންމެވީ ރަނިލް އާއި ނަޝީދު މިއަދު ބޭއްވި މަޝްވަރާ ބައްދަލުވުމެއްގައި، އެ ގައުމަށް ބޭރުގެ އެހީ ހޯދައިދޭން ނަޝީދު ހުށަހެޅުއްވުމުންނެވެ.
ލަންކާގެ ނޫސްތަކުގައިވާ ގޮތުން ނަޝީދުގެ އެ ހުށަހެޅުއްވުން ރަނިލް ގަބޫލުފުޅު ކުރެއްވުމަށްފަހު، ލަންކާއަށް ބައިނަލްއަގްވާމީ އެހީ ހޯދުމުގައި އިސްކޮށް ހަރަކާތްތެރިވުމުގެ ފުރުސަތު ނަޝީދަށް ވަނީ ދެއްވައިފަ އެވެ. އަދި ނަޝީދުގެ އެއްބާރުލުމަށް ރަނިލް ޝުކުރު އަދާކުރެއްވި ކަމަށް ވެސް ލަންކާގެ ނޫސްތަކުގައިވެ އެވެ.
ލަންކާގެ އިގްތިސާދީ ހާލަތު ގޯސްވެ، ބޭރު ފައިސާ ހުސްވުމުން ޒަރޫރީ ތަކެތި ގައުމުން ހުސްވެ ޕެޓްރޯލާއި ތެޔޮ ވެސް ވަނީ ހުސްވެފަ އެވެ. އަދި ސަރުކާރުގެ މުވައްޒަފުންނަށް މުސާރަ ދޭން ފައިސާ ޗާޕް ކުރުން ނޫން ގޮތެއް ނެތެވެ.