މިނިސްޓރީ އޮފް ނޭޝަނަލް ޕްލޭނިންގ، ހައުސިން އެންޑް އިންފްރާސްޓްރަކްޗަރއިން ޏ. ފުވައްމުލަކުގެ މަގުތަކުގައި ތާރުއެޅުމަށް މޯލްޑިވްސް ޓްރާންސްޕޯރޓް އެންޑް ކޮންޓްރެކްޓިންގ ކޮމްޕެނީއާ ހަވާލުކޮށް އެއްބަސްވުމުގައި ސޮއިކޮށްފިއެވެ.
މަގުތަކުގައި ތާރުއެޅުމުގެ މަޝްރޫއު ނިންމުމަށް 750 ދުވަސް ދީފައިވާއިރު، މި މަސައްކަތް ހަވާލުކޮށްފައި ވަނީ 255 މިލިއަން ރުފިޔާއަށެވެ.
މި މަޝްރޫއުގެ ދަށުން ކުރުމަށް ހަމަޖެހިފައިވާ މަސައްކަތުގެ ތެރޭގައި 12.17 ކިލޯމީޓަރުގެ މަގުގައި ތާރު އެޅުމާއި، ފެން ހިންދާ ނިޒާމު ގާއިމު ކުރުން އަދި މަގުބައްތި ޖެހުން ހިމެނެ އެވެ.
ޕްލޭނިން މިނިސްޓްރީގެ ފަރާތުން މި އެއްބަސްވުމުގައި ސޮއި ކުރެއްވީ ޑިރެކްޓަރ ޖެނެރަލް ފާޠިމަތު ޝާނާ ފާރޫޤެވެ. އަދި އެމްޓީސީސީގެ ފަރާތުން ކުންފުނީގެ ސީއީއޯ އާދަމް އާޒިމެވެ.
