ހއ. ކެލާއަށް ވަޑައިގެންނެވި ވަގުތު އިދިކޮޅު ޕީޕީއެމް/ޕީއެންސީގެ ރިޔާސީ ކެންޑިޑޭޓު ޑރ. މުހައްމަދު މުއިއްޒާއި ދެކޮޅަށް އަޑުއުފުލި އެމްޑީޕީގެ މެމްބަރުންނާއި ސަލާމް ކުރައްވައި ނަމޫނާ ދައްކަވައިފި އެވެ.
ރިޔާސީ އިންތިހާބަށް ކުރަމުން ގެންދާ ކެމްޕެއިނުގައި މިއަދު ހއ. ކެލާއަށް މުއިއްޒު ވަޑައިގަތުމުން ރަށުގެ ގިނަ އަދަދެއްގެ ބަޔަކު ބަނދަރު ސަރަހައްދުން މަރުހަބާ ކިޔާފައި ވެއެވެ. ސަލާމް ކުރަން ތިބި އާންމުންގެ ކިއު ނިމުނު ހިސާބުގައި ވެރިކަން ކުރާ މައި ޕާޓީ އެމްޑީޕީގެ ދިދައާއި އެކު ތިބި 5 ވަރަކަށް މީހުން ދިޔައީ މުއިއްޒަށް ”ވަގަށް“ ގޮވަމުންނެވެ. އަދި ތަފާތު އެހެން ޓެގުތައް ބޭނުންކޮށް، އިދިކޮޅު ލީޑަރު ރައީސް އަބްދުﷲ ޔާމީން އަބްދުލްގައްޔޫމާއި ދެކޮޅަށް އަޑުއުފުލި އެވެ.
އެކަމަކު މުއިއްޒު ވަނީ ކާރަށް އަރާވަޑައިގަތުމުގެ ކުރިން، އެމްޑީޕީގެ އެ މެމްބަރުންނާއި ކައިރިވެލުމަށް ފަހު ސަލާމް ކުރައްވާފަ އެވެ. އެވަގޮތު އަޑުއުފުލަމުން ދިޔަ މީހުން ވެސް، އަޑުއުފުލުން ހުއްޓާލައި މުއިއްޒާއި ސަލާމް ކުރި މަންޒަރު އެތަނުގައި ތިބި ނޫސްވެރިންނަށް ފެނުނެވެ.
PPM/PNC ge Riyaasi Candidate Dr. Mohamed Muizzu ah Ha. Kelaa in maruhaba kiyamun dhanikoh adu ufulamun dhiya vaadhaveri MDP ge memberinna Muizz salaam kurevvun. Muizz salaam kurevvumun member in adu ufulun huttaali pic.twitter.com/x4ADNoDXW8
— Sangu TV (@Sangu_TV) August 15, 2023
މުއިއްޒު ވަޑައިގަތުމުން، އަޑުއުފުލަމުން ދިޔަ މީހުން އެ ސަރަހައްދު ދޫކޮށް ދިޔަ އެވެ. އެވަގުތު ފުލުހުން ވެސް އެތަނުގައި ތިއްބެވެ.
ޖަލްސާ ކުރިޔަށް ގެންދާ ޕީޕީއެމް، ހަރުގެ ކައިރީ އެމްޑީޕީގެ ވެސް ހަރުގެއެއް ހުރިއިރު އެތަނުން ވެސް ކޮންމެވެސް ވަރަކަށް އުފުލި އެވެ. އެކަމަކު ޕީޕީއެމް ޖަގަހައާއި ކައިރިވެފައި ނުވެ އެވެ.
