އުރީދޫ އިން އައިފޯނު 15 އެއް ލިބުމުގެ ފުރުސަތާއިއެކު ޕްރޮމޯޝަނެއް ފަށައިފިއެވެ.
އެ ކުންފުނިން ހާމަކޮށްފައިވާގޮތުން، އަލަށް ހުޅުވާލެވިފައިވާ ޕްރޮމޯޝަންގައި ބައިވެވޭނީ ކްލަބް ޕްރިމިއަރ މެމްބަރުންނަށެވެ. އެގޮތުން އަލަށް ކްލަބްޕްރިމިއަރގެ ހިދުމަތް ހޯއްދަވައިގެންވެސް މި ގުރުއަތުގައި ބައިވެރިވެވޭނެކަމަށް ބުނެފައިވެއެވެ. އަދި އެއް ހާހުން މަތީގެ ޕޯސްޓްޕެއިޑް ޕްލޭންތައް ނަންގަވާ އެ ކުންފުނީގެ ހިދުމަތް ލިބިގަންނަވާ ފަރާތްތައް ހާއްސަ ބައެއް ކަންކަން ހިމެނިފައިވާނެކަމަށް ބުނެފައިވެއެވެ.
އުރީދޫ އިން ބުނެފައިވާގޮތުން، މި ޕްރޮމޯޝަން ކުރިއަށް ގެންދާނީ 2023 ވަނަ އަހަރުގެ ނޮވެމްބަރު މަހުގެ 30 ވަނަ ދުވަހުގެ ނިޔަލަށެވެ. މި ގުރުއަތުގައި ބައިވެރިވެވޭނީ އަލަށް ކްލަބް ޕްރިމިއަރ ހިދުމަތް ހޯއްދަވާ ފަރާތްތަކަށާއި މިހާރު ހިދުމަތް ލިބިގަންނަމުންދާ ކަސްޓަމަރުންނަށް ކަމަށްވެސް ބުނެފައިއެވެ.
