މިކަން ހާމަވަވީ ފިނޭންސް މިނިސްޓްރީއިން އާންމުކޮށްފައިވާ ތަފާސްހިސާބުތަކުންނެވެ. އެގޮތުން ނިމިދިޔަ މޭ މަހުގެ 30 ވަނަ ދުވަހުގެ ނިޔަލަށް ތަރައްގީގެ މަޝްރޫއުތަކަށް 2.1 ބިލިއަން ރުފިޔާ ހަރަދުކޮށްފައިވެއެވެ.
މިދިޔަ އަހަރުގެ މި މުއްދަތުގައި ޕީއެސްއައިޕީއަށް ހޭދަކުރި 4.8 ބިލިއަން ރުފިޔާއާ އަޅާބަލާއިރު 2.7 ބިލިއަން ރުފިޔާ މަދު އަދަދެއްކަމަށްވާއިރު، މިއީ 56 އިންސައްތައިގެ ދަށްވުމެކެވެ.
ޕީއެސްއައިޕީ މަޝްރޫއުތަކުގެ ތެރެއިން އެންމެ ބޮޑު ހޭދައެއް މި އަހަރު ކޮށްފައިވަނީ ބިން ހިއްކުުގެ މަޝްރޫއުތަކަށެވެ. އެގޮތުން 541.6 މިލިއަން ރުފިޔާ ހޭދަކޮށްފައިވާއިރު ފެނާއި ނަރުދަމާގެ މަޝްރޫއުތަކަށް ޖުމްލަ 230.8 މިލިއަން ރުފިޔާ ހޭދަކޮށްފައިވެ އެވެ.
މަގު ހެދުމުގެ މަޝްރޫއުތަކަށް 174.9 މިލިއަން ރުފިޔާ ހޭދަކޮށްފައިވާއިރު ހާބަރު މަޝްރޫއުތަކަށް 172.5 މިލިއަން ރުފިޔާ ހަރަދުކޮށްފައިވެ އެވެ. މީގެ އިތުރުން ބްރިޖު މަޝްރޫއަށް މި އަހަރު ވަނީ 108.4 މިލިއަން ރުފިޔާ ހޭދަކޮށްފަ އެވެ.
