ރާއްޖޭގެ ބޯޑަރަށް ވަންނަ އުޅަނދުތައް މޮނިޓާ ކުރުމަށް ޑްރޯންތަކެއް ގެނައުމަށް ނިންމާފައިވާކަން ކަސްޓަމްސް އިން ހާމަ ކޮށްފިއެވެ.
މިކަން ހާމަ ކުރެއްވީ ރައްޔިތުންގެ މަޖިލީހުގެ 241 ކޮމިޓީގައެވެ. ކޮމިޓީގައި ވާހަކަދައްކަވަމުން ކޮމިޝަނާ ޖެނަރަލް އޮފް ކަސްޓަމްސް ޔޫސުފް މާނިއު މުހައްމަދު ވިދާޅުވީ މިހާތަނަށް އައިރު، ރާއްޖޭގެ ބޯޑަރަށް ވަންނަ އުޅަނދުތައް މޮނީޓަރ ކުރުމަށް ބޭނުންވާ ވަސީލަތްތައް ނެތްކަމަށެވެ.
މި މައްސަލައަށް ހައްލު ހޯދުމަށް ޖަޕާނު ސަރުކާރުގެ ފަރާތުން 85 ފޫޓުގެ އުޅަނދެއް ލިބޭނެކަމަށް މާނިއު ވިދާޅުވިއެވެ. އަދި އިނާ ސަރުކާރުގެ ފަރާތުން ވެސް ދެ އުޅަނދެއް ލިބޭނެކަމަށާއި، އެމެރިކާ އިން ވެސް އުޅަނދެއް ލިބޭނެ ގޮތަށް ވަނީ ހަމަޖެހިފައިކަމަށް ވިދާޅުވިއެވެ.
ޑްރޯންގެ މުހިންމުކަންފާހަގަކޮށް މާނިއު ވިދާޅުވީ، ފިޒިކަލީ ގޮސް ބަލައިގެން ނޫނީ، މި ސަރަހައްދަށް ބޭރުން އަންނަ ވެސަލްތައް މޮނިޓާ ނުކުރެވޭނެކަމަށެވެ.
ޑްރޯންއެއް ފޮނުވައިގެން އޭތި މޮނިޓާ ކުރުމަށްފަހު، ތުރެޓެއް އުޅެންޏާ ވެސަލް ފޮނުވާ ގޮތަށް މި ހަމަޖައްސަނީ.
މާނިއު ވިދާޅުވ އެވެ.
މީގެ ކުރީގައި މިހެން އަންނަ އުޅަނދުތައް މޮނީޓާ ކުރާނީ އެމްއެންޑީއެފްގެ ކޯސްޓްގާޑުގެ އެހީތެރިކަމާއިއެކުކަމަށާއި، މިއީ އެއްބަސްވުމެއްގެ ދަށުން ކުރެވޭ މަސައްކަތެއްކަމަށް އޭނާ ވިދާޅުވިއެވެ. ޑްރޯންތައް ގެނައި ނަމަވެސް، މި ޑްރޯންތައް އޮޕަރޭޓް ކުރާނީ އެމްއެންޑީއެފްގައި އަލަށް އުފެއްދި އެއާކޯއާ ގުޅިގެން ކަމަށްވިދާޅުވިއެވެ.
އެއާކޯއާއުފެއްދީ ތުރުކީއިން ޑްރޯންތައް ގެނައުމަށްފަހުއެވެ. ނ. މާފަރު އެއާޕޯޓުގައި ތުރުކީއިން ގެނައި ދެ ޑްރޯން މިހާރު އަންނަނީ އޮޕަރޭޓް ކުރަމުންނެވެ.
