އިޒްރޭލަށް ފަންޑުކުރާ އެއްވެސް ބަޔަކާއިއެކު މަސައްކަތް ނުކުރާނެ ކަމަށް މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން ބުނެފިއެވެ.
އެމްއޭސީއެލްގެ ޑެޕިއުޓީ މެނޭޖިންޖ ޑިރެކްޓަރ މުހައްމަދު ލައްމާން ސަންގަށް މައުލޫމާތު ދެއްވަމުން ވިދާޅުވީ ހަވާއެރުވުމުގެ ކަންތައްތަކާއި އެނޫންވެސް އެފަދަކަންކަން ކުރަމުންދަނީ ބައިނަލްއަގުވާމީ ގޮތުން އެފަދަ ހަރަކާތްތައް ކުރިއަށް ގެންދާ ކުންފުންޏަކާއި ގުޅިގެން ކަމަށެވެ. އަދި މިކަންކަމަކީ އެމްއެންޑީއެފްގެ ބެލުމުގެ ދަށުން ކުރިއަށް ގެންދާ ކަންކަން ކަމަށް ލައްމާން ވިދާޅުވިއެވެ.
އެމްއޭސީއެލްގެ މި މަސައްކަތް ކުރުމަށް ހަވާލުކުރާ ކުންފުންޏަކީ އިޒްރޭލަށް ފަންޑުކޮށް އެފަދަ އެއްވެސް ކަމެއްކުރާ ކުންފުންޏެއް ނޫން ކަމަށް ލައްމާން ވިދާޅުވިއެވެ. އަދި އިޒްރޭލަށް ފަންޑު ކުރާ އެއްވެސް ބަޔަކާއިއެކު އެމްއޭސީއެލްގެ އެއްވެސް މަސައްކަތެއް ނުކުރާނެ ކަމަށާ އާ ޓާމިނަން ހުޅުވާ ހަފުލާ ބޭއްވުމުގެ ކަންކަން އިސްރާއީލަށް ފަނޑުކުރާ ކުންފުންޏަކަށް ހަވާލުކުރިކަމަށް ބުނެ ފަތުރުވާ ވާހަކަތަކަކީ އެއްވެސް ހަގީގަތެއް ނެތް ރޯބުހުތާން ދޮގު ވާހަކަތަކެއް ކަމަށް ވެސް ލަމްއާން ވިދާޅުވިއެވެ.
ލައްމާން ވިދާޅުވީ މީސްމީޑިއާގައި އަދި އެކި ޕްލެޓްފޯމުތަކުގައި ފަތުރަމުންދާ ވާހަކައަކީ ދޮގު ހަބަރުތަކެއް ކަމަށެވެ.
ކުންފުނިން ބުނެފައިވާ ގޮތުގައި އައު ޓާމިނަލް ހުޅުވުމަކީ ހަމައެކަނި އެއަރޕޯޓުގެ ތަރައްޤީއެއް ނޫނެވެ. މިއީ މުޅި ޤައުމުގެ ފަތުރުވެރިކަމުގެ ސިނާޢަތަށް އައު ހަރުފަތަކަށް އެރުމުގެ ފުރުޞަތެކެވެ. އައު ޓާމިނަލްގެ ސަބަބުން އިތުރު ފަސިންޖަރުންނަށް ޚިދުމަތް ދެވި، ރާއްޖެއަށް އިތުރު އާމްދަނީ ލިބޭނެ މަގު ތަނަވަސްވެގެންދާނެއެވެ.
ރާއްޖޭގެ 60 ވަނަ މިނިވަން ދުވަހާ ދިމާކޮށް މި ޓާމިނަލް ހުޅުވުމަށް ރޭވިފައިވުމަކީ ވަރަށް މުހިންމު ކަމެކެވެ. މިއީ ދިވެހި ރައްޔިތުންނަށް ލިބޭ އުފާވެރި ހަދިޔާއެކެވެ. އަދި މިނިވަންކަމުގެ މާނަ އިތުރަށް ފުޅާވެގެންދާނެ ކަމެކެވެ. ސަބަބަކީ މި ޓާމިނަލްގެ ސަބަބުން ދިވެހިންނަށް ލިބޭނެ އިޤްތިޞާދީ މިނިވަންކަމުގެ ފުރުޞަތުތައް އިތުރުވެގެންދާނެތީއެވެ.
ޓާމިނަލްގެ މަސައްކަތް ފެށިތާ 8 އަހަރު ވެގެން ދިޔައިރު، އައު ސަރުކާރު ވެރިކަމާ ހަވާލުވި އިރު ނިމިފައި ވަނީ އެންމެ 54 އިންސައްތައެވެ. މިއީ ވަރަށް ކަންބޮޑުވާންޖެހޭ މިންވަރެކެވެ. ނަމަވެސް ރައީސް މުއިއްޒު ވެރިކަމާ ހަވާލުވެ ވަޑައިގަތުމާއެކު، އެމަނިކުފާނުގެ ސީދާ އިރުޝާދުގެ ދަށުން މި މަސައްކަތް ވަނީ އާ ބާރަކާއެކު ކުރިއަށް ގެންދަން ފަށާފައެވެ.
