ތިނަދޫ ސިޓީގެ ފެރީ ޓާމިނަލްއަށް ކައިރިކުރި ލޯންޗެއް ކޮންޓްރޯލް ނުވެ ޖެޓީގައި ޖެހި، ނުރައްކާތެރި އެކްސިޑެންޓެއް ހިނގައިފިއެވެ. މި އެކްސިޑެންޓްގައި ލޯންޗުގައި ތިބި 4 މީހަކަށް އަނިޔާވެފައިވާ ކަމަށް ފުލުހުން މަޢުލޫމާތު ދީފައިވެއެވެ.
މި އެކްސިޑެންޓްގައި އަނިޔާވި މީހުންގެ ތެރޭގައި ހިމެނެނީ 50 އަހަރުގެ ކެޕްޓަނާއި، 29 އަހަރުގެ ފަޅުވެރިޔާގެ އިތުރުން 25 އަހަރާއި 28 އަހަރުގެ ދެ އަންހެނުންނެވެ. އަނިޔާވި ފަރާތްތަކަށް މިހާރު ވަނީ ޑރ. އަބްދުލް ސަމަދު މެމޯރިއަލް ހޮސްޕިޓަލުގައި ފަރުވާ ދޭން ފަށާފައެވެ.
މި ހާދިސާއާ ގުޅިގެން ފުލުހުން ދަނީ އިތުރަށް ތަޙުޤީޤު ކުރަމުންނެވެ. އަދި މި ބާވަތުގެ ހާދިސާތައް ތަކުރާރުވިޔަ ނުދިނުމަށް އަޅަންޖެހޭ ފިޔަވަޅުތައް ބަލައި، ކަމާބެހޭ އިދާރާތަކާ ގުޅިގެން މަސައްކަތް ކުރަމުންދާ ކަމަށް ފުލުހުން މަޢުލޫމާތު ދެއެވެ.
