ބުރާސްފަތި ދުވަހު ގދ. ގައްދޫއިން ޑިންގީއެއްގައި ކަނޑަށް ނިކުމެ އުޅެނިކޮށް ގެއްލިގެން ހޯދަމުން އަންނަ އެ ރަށު، ޒަކަރިއްޔާ މުހައްމަދު މަރުވެފައި އޮއްވާ ފެނިއްޖެއެވެ.
މިކަމާއި ގުޅިގެން ފުލުހުން މީޑިއާތަކަށް ހިއްސާކުރި މައުލޫމާތުގައި ބުނެފައިވަނީ ޒަކަރިއްޔާ ފެނުނީ 11:45 ހާއިރުކަމަށެވެ. މައުލޫމާތު ލިބިފައިވާ ގޮތުގައި އޭނާ ލައްގާފައި އޮއްވައި ފެނުނީ ގަމު ގޮނޑުދޮށަށެވެ.
ފުލުހުން މީގެ ކުރިން ބުނީ ޒަކަރިއްޔާ ގައްދޫން ފުރީ ބުރާސްފަތި ދުވަހު ހެނދުނު 09:30 ހާއިރު ކަމަށާއި، އޭނާގެ ހިލަމެއް ނުވެގެން ފުލުހަށް އެ ކަމުގެ ރިޕޯޓު ލިބިފައިވަނީ އެ ދުވަހު ހަވީރު 17:05ގައި ކަމަށެވެ.
އެމްއެންޑީއެފުން އިއްޔެ ވަނީ ޒަކަރިއްޔާ ދަތުރުކުރި ޑިންގީ ކަނޑުގެ 10 މީޓަރު އަޑިން ހޯދާފައެވެ.
