ބޭންކު އޮފް މޯލްޑިވްސް (ބީއެމްއެލް)އާއި މާސްޓަރކާޑު ގުޅިގެން، ވިސިޓް މޯލްޑިވްސްއަށް ޓޫރިޒަމް އިންސައިޓް ޑޭޓާ ޕްލެޓްފޯމެއް ތައާރަފްކޮށްފިއެވެ.
މި ޕްލެޓްފޯމުގެ ޒަރިއްޔާއިން، ފަތުރުވެރިކަމުގެ ދާއިރާގެ ބައިވެރިންނަށް ފަތުރުވެރިންގެ ޙަރަދުކުރުމުގެ އާދަތަކާއި، ފަތުރުވެރިން އިސްކަންދޭ ކަންތައްތަކާ ގުޅޭ މައުލޫމާތު ޑޭޓާގެ އަލީގައި ލިބުމުގެ ފުރުސަތު ލިބިގެންދާނެއެވެ.
މި މައުލޫމާތު ބޭނުންކޮށްގެން، ފަތުރުވެރިކަމުގެ ދާއިރާގެ ވިޔަފާރިތަކަށް އިތުރު ކުރިއރުންތައް ހޯދުމުގެ ފުރުސަތު ހޯދުމަށާއި، ދަތުރުގެ ކޮންމެ މަރުހަލާއެއްގައިވެސް ފަތުރުވެރިން ކުރާ ތަޖުރިބާ އިތުރަށް ރަނގަޅުކުރުމަށް ބޭނުންވާ މައުލޫމާތު ހޯދިގެންދާނެއެވެ. އަދި، އެ މައުލޫމާތުގެ މައްޗަށް ބިނާކޮށް، ރަނގަޅު ނިންމުމަށް ނިންމުމުގެ ފުރުސަތުވެސް ލިބިގެންދާނެއެވެ.
މި ޕްލެޓްފޯމާއިއެކު، ރާއްޖެއަށް ޒިޔާރަތްކުރާ ފަތުރުވެރިންގެ ތަޖުރިބާ އިތުރަށް ރަނގަޅުވެ، ރާއްޖެއަކީ، ދުނިޔޭގެ ހުރިހާ ގައުމުތަކުގެ ފަތުރުވެރިން ކަމުދާ، އަދި ދުނިޔޭގެ އެންމެ މަގްބޫލު ފަތުރުވެރިކަމުގެ މަންޒިލެއްގެ ގޮތުގައި ދެމިއޮތުމަށް މަގުފަހިވެގެންދާނެއެވެ.
