ދުނިޔޭގެ ސިޔާސީ މި ނިޒާމަށް އަންނަ ބަދަލުގެ ތެރޭގައި އެކިއެކި ބާރުތަކުން އިންޑިއާ ކަނޑަށް ހިނގަމުންދާ ނަޒަރުތަކުން ރާއްޖެއަށް ވެސް ނުރައްކަލަކާއި ކުރިމަތިލާން ޖެހިދާނެ ކަމަށާއި، އެކަމަށް މަސައްކަތްތަކެއް ކުރަންޖެހޭ ކަމަށް އެމްޑީޕީގެ ޗެއާޕާސަން ފައްޔާޒް އިސްމާއިލް ވިދާޅުވެއްޖެއެވެ.
އެމްޑީޕީގެ ގައުމީ މަޖިލީހުގައި ފައްޔާޒް ވަނީ މަޖިލީހަށް ހުށައެޅި ގަރާރަށް އިސްލާހެއް ހުށައަޅުއްވާފައެވެ. އެގޮތުން ފައްޔާޒް ވިދާޅުވީ ދިވެހި ރާއްޖޭގެ އިގްތިސޯދު ފުނޑުފުނޑުވެ ރައްޔިތުން ބިކަވެ ދާއިރު ރައްޔިތުންނަށް ކުރިމަތިވާ އިތުރު ނުރައްކަލެއްވެސް އޮތް ކަމަށެވެ. އެއީ ރާއްޖެ މިހާރު އޮތް ހާލަތުން ރަނގަޅުކުރުމަށް ކުރާ މަސައްކަތްކަތެއް ނުވަތަ އަޅާ ފިޔަވަޅެއް ވެސް އެނގެން ނެތުމުން ކަމަށް ފައްޔާޒް ވިދާޅުވިއެވެ.
ފައްޔާޒް ވިދާޅުވީ ބޮޑު ދަރަންޏެއް މިއަންނަ އަހަރު އަދާ ކުރަން ޖެހޭ ކަން އިނގިވަޑައިގަންނަވާ ކަމަށެވެ. ދުނިޔޭގެ ސިޔާސީ މި ނިޒާމަށް އަންނަ ބަދަލުގެ ތެރޭގައި އިންޑިއާގެ ކަނޑުގެ ތެރޭގައި އެކިއެކި ބާރުތައް ނަޒަރު ހިންގަމުން ދާކަމަށެވެ. އެގޮތުން ނުރައްކާތަކާއި ރާއްޖެ ވެސް ކުރިމަތިލާން ޖެހިދާނެ ކަމަށް ފައްޔާޒް ފާހަގަކުރެއްވިއެވެ.
ފައްޔާޒް ހުށައެޅި އިސްލާހުގައި ވަނީ ދިވެހިރާއްޖޭގެ އެތެރޭގެ އިގްތިސޯދު އެކީ އެއްކޮށް ފުނޑި ބޭރުގެ ދަރަނި ނުދެއްވި ރައްޔިތުންގެ އަސާސީ ކަންކަންވެސް ކުރިއަށް އޮތް ކައިރި މުސްތަގުބަލުގައި ހަމަނުޖެއްސި ދާނެ ކަމުގެ ބިރު އިންތިހާއަށް އޮތުމުން އެކަންކަން ހައްލުކުރާނެ ގޮތުގެ ޕްލޭނެއް ސަރުކާރަށް ދެއްކިފައި ނުވާ ކަމަށެވެ. އަދި އެކަމުގެ ސަބަބުން މުޅި ރާއްޖެ ބަނގުރޫޓު ވުމުގެ ފުރުސަތު ބޮޑު ވެފައި ވާ ކަމަށާއި ދުނިޔޭގައި މިހާތަމަށް ހިނގަމުން އައި ނިޒާކު ބަދަލު ވުމުގެ އޮއިވަރު ހިނގަމުންދާ ވަގުތެއްގައި ދުނިޔޭގެ ބޮޑެތި ބާރުތަކުގެ ނަޒަރު އިންޑިއާ ކަނޑާއި ދިމާލަށް ހުއްޓިފައިވާ ކަމަށެވެ.
މިފަދަ ވަގުތެއްގައި ދިވެހިރާއްޖެ އޮތް ހާލަތުން ރާއްޖޭގެ އިސްތިގުލާލާއި، ސިޔާދަތާއި މިނިވަންކަމަށް ނުހަނު ނުރައްކާ ކުރިމަތިވެ މުޅި އޭޝިއާ ބައްރުގެ ހަމަޖެހުމަށް ބުރޫއެރުމގެ ފުރުސަތު ބޮޑުވެފައި ވާތީ ރާއްޖެ އެފަދަ ނުރައްކަލަކުން ސަލާމަތް ކުރުމުގެ މުހިންމު ކަން އިންތިހާއަށް ބޮޑު ކަމަށް ފެންނަ ކަމަށެވެ.
