ލ. އަތޮޅަށް ދެވަނަ އެއާޕޯޓެއް ގެނެސްދެއްވުމުގެ ވައުދަކީ ފުއްދަވާނެ ވައުދެއްކަމަށާއި، އެހެން ނަމަވެސް އެއާޕޯޓު އަޅާނީ ޓޫރިޒަމް ކުރިއެރުވުމާއި، ދަތުރުފަތުރު ކުރުމާއި އެ ބޭނުމާއި ޕޮޓެންޝިއަލް އޮތް ސަރަހައްދަކަށްކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެ އެވެ.
ރައީސް މުއިއްޒު މިފަދައިން ވިދާޅުވީ ލ. އަތޮޅުގެ ރަށްތަކަށް މިއަދު ފެއްޓެވި ދަތުރުފުޅުގެ ތެރެއިން، އެންމެ ފުރަތަމަ މަންޒިލެއްގެ ގޮތުގައި މާވަށަށް ވަޑައިގެންނެވެ. މާވަށުގައި ލ. އަތޮޅުގެ ދެެވަނަ އެއާޕޯޓެއްގެ ވާހަކަ ރައީސް ފާހަގަކުރެއްވި އިރު، މިއީ މި ރަށުގެ ރައްޔިތުންގެ ވަރަށް ބޮޑު އެދުމެކެވެ.،
މި ދަތުރުފުޅުގައި މާވަށުގައި އެއާޕޯޓެއް ގާއިމުކޮށްދެއްވާނެކަމަށް، ސީދާ ރައީސް މުއިއްޒު ވައުދުވެވަޑައިނުގެންނެވި ނަމަވެސް އެކަމުގެ އިޝާރާތެއް ކުރެއްވި އެވެ. ރައީސް ވިދާޅުވި ގޮތުގައި ލ. އަތޮޅުގައި ދެވަނަ އެއާޕޯޓެއް އޮންނަން ޖެހޭނެކަމަށް އެމަނިކުފާނު ގަބޫލު ކުރައްވަ އެވެ.
ލިސްޓުގެ އެކަކުން ދިހައަކަށް އޮތީ އެއާޕޯޓުކަން އަޅުގަނޑަށް އެނގޭ، އެހެންވީމަ އަދި ނުދެންނެވިގެން މިއުޅެނީ.. އެހެންނެއް ނޫން އަޅުގަނޑު ވަރަށް ސީރިއަސްކޮށް ދަންނަވާ ވާހަކައެއް، މިއަދު ތިބޭފުޅުންނަށް ފެނިވަޑައިގަންނަވާނެ އަޅުގަނޑުމެން މިއަދު މި ކުރިކަމަކީ، އަޅުގަނޑު ދެން ވައުދުވެފައި ހުރި ހުރިހާކަމެއް ފުއްދުމަށް މި މަސައްކަތް ކުރަނީ.. އަޅުގަނޑުވީ ވައުދެއް އެއީ މި އަތޮޅަށްވީ ވައުދު.. ދެވަނަ އެއާޕޯޓެއް ގެންނާނެކަމަށް.. ކޮންމެ ވައުދެއް އެއީ ފުއްދާނެ ވައުދެއް.. މިއަދު ދޭނެ ޔަގީންކަމަކީ، މި އަތޮޅަށް ދެން އަންނަ އެއާޕޯޓު އަންނަން ޖެހޭނީ، ދުރުރާސްތާއަށް ވެސް ވިސްނާއިރު، އިގްތިސާދީ ގޮތުން ވެސް ދެމެހެއްޓެނިވި، ތަރައްގީއެއް ހާސިލުވާނެ ގޮތަކަށޭ.. ޓޫރިޒަމް ކުރިއަރުވަން ބަލާއިރު އެންމެ ރަނގަޅު ގޮތަކަށް ގިނަ ރިސޯޓުތައް ތަރައްގީ ކުރެވެން އޮތް ހިސާބެއްގައި، ރަށެއްގެ ކައިރީ އެއާޕޯޓު އަޅަންޖެހޭނީ.. އަދި ޖިއޮގްރަފިކަލީ ބަލާއިރުގައި ވެސް އެއާޕޯޓެއް އޮންނަން ޖެހޭނެ، ރަށެއްގައި އެއާޕޯޓު އަޅަންޖެހޭނީ.. އެހެންވީމަ އަޅުގަނޑު މިގޮތަށް މި ވިސްނަނީ.. މި އަތޮޅުގައި ދެވަނަ އެއާޕޯޓެއް އެޅެން ޖެހޭނެކަމަށް.. މިގޮތުން ޓޫރިޒަމް ކުރިއެރުވުމާއި، ދަތުރުފަތުރު ކުރުމާއި އެ ނީޑް އޮތް އެ ޕޮޓެންޝިއަލް އޮތް ސަރަހައްދަކަށް އަޅުގަނޑުމެން ވިސްނާނަން.. ވަރަށް އަަވަށް އަޅުގަނޑު ގޮތެއް ނިންމާނަން.. އެހެންވީމަ ދެވަނަ އެއާޕޯޓެއް މި އަތޮޅުގައި އެޅުމުގެ ވައުފު ފުއްދާނަން..
މީގެއިތުރުން ރައީސް ވަނީ މާވަށުގެ ތަރައްގީގެ ޕްރޮޖެކްޓުތަކާއި ގުޅޭގޮތުން ވެސް ވާހަކަ ދައްކަވާފަ އެވެ. އެގޮތުން ރައީސް ވިދާޅުވީ ރަށުގައި ބިންގާ އެޅިގެން ދިޔަ އަށް މަޝްރޫއުއާއި، ސޮއި ކުރެވުނު ތިން މަޝްރޫއުއާއި އެކު ޖުމްލަ 11 މަސައްކަތެއް ފެށިގެން ދިއުމަކީ ރައީސް ވިދާޅުވި ގޮތުގައި ސަރުކާރަށް ލިބޭ ވަރަށް ބޮޑު ހިތްހަމަޖެހުމެއް ކަމަށެވެ.
ރަށުވެ ބިން ހިއްކުމުގެ މަސައްކަތަށް ހެކްޓަރު އިތުރުކޮށް، ޖުމްލަ 30 ހެކްޓަރު ހިއްކާގޮތަށް ހަމަޖެހިގެން ގޮސްފައި ވަނީ ވެސް ރައްޔިތުން ބޭނުންވާ ގޮތަށްކަމަށް ރައީސް ވިދާޅުވި އެވެ. ބިން ހިއްކުމުގެ މަޝްރޫއު ނިމުމާއި އެކު، ހައުސިން ޔުނިޓުތައް އެޅުމަށް ހާއްސަ އިސްކަމެއް ދޭނެކަމުގައި ރައީސް ވިދާޅުވި އެވެ.
ރައީސް ވިދާޅުވީ ސަރުކާރުގެ ސިޔާސަތަކީ ވައުދުތައް ފުއްދުންކަމަށެވެ. އަދި ކުރިޔަށް އޮތޯ ބޯހިޔާވަހިކަމާއި ގުޅުން ހުރި ގިނަ މަަސައްކަތްތައް ކުރިޔަށް ގެންދާނެ އަހަރެއްގެ ގޮތުގައި ރައީސް ވިދާޅުވި އެވެ. ރައީސް ވިދާޅުވީ ބިން ހިއްކުމުގެ މަޝްރޫއު ނިމުމާއި އެކު އެއްވެސް ޑީލޭއެއް ނެތި ފެނާއި ނަރުދަމާ ގާއިމު ކުރުމުގެ މަސައްކަތް ކުރިޔަށް ގެންދާނެކަމަށެވެ.
ރަށުގެ ސިއްހީ ނިޒާމު ހަރުދަނާ ކުރުމާއި ގުޅޭގޮތުން ރައީސް ވިދާޅުވީ، ހޮސްޕިޓަލެއް ހުރުމަށް ރައްޔިތުން ބޭނުންވާކަމަށެވެ. އެހެންކަމުން އެ މަސައްކަތް ކުރައްވާނެކަމަށް ރައީސް ވައުދުވެވަޑައިގެންނެވި އެވެ.
ސިއްހީ ނިޒާމުގެ ތެރެއިން މި ސަރުކާރުން ސީ އެމްބިއުލާންސްގެ ހިދުމަތް ފުޅާ ކުރުމުގެ މަސައްކަތް ކުރަމުން ގެންދާއިރު ރައީސް ވިދާޅުވީ މާވަށުގައި ވެސް ސީއެމްބިއުލާންސެއް ގާއިމުވެ އޮންނާނެ ކަމަށެވެ. އެއީ ބަލި މީހުން ފަރުވާއަށް ގެންދިއުމގައި ދިމާވާ ދަތިތައް ހުރުމާއި އެކު، އެ ކަންބޮޑުވުންތައް
