ހޮޓެލް އޭޝިއާ އެގްޒިބިޝަން 2025 ރަސްމީކޮށް އިފްތިތާޙުކޮށްފިއެވެ.
މިއަހަރުގެ އެގްޒިބިޝަން ރަސްމީކޮށް އިފްތިތާޙު ކޮށްދެއްވީ މިނިސްޓަރ އޮފް ކްލައިމެޓް ޗޭންޖް އެންވަޔަރަންމަންޓް، އެންޑް އެނާރޖީ، ތާރިޤް އިބްރާހީމްއެވެ.
ހޯމަ ދުވަހު ހުޅުމާލޭ ސިންތެޓިކް ޓްރެކްގައި ކުރިއަށްދިޔަ ޚާއްސަ ރަސްމިއްޔާތެއްގައި މި އެގްޒިބިޝަން ފައްޓަވައި ދެއްވައި ދެއްކެވި ވާހަކަފުޅުގައި މިނިސްޓަރ ވަނީ މިފަދަ ޙަރަކާތްތަކުގެ ސަބަބުން ރާއްޖޭގެ ޓޫރިޒަމާއި އިޤްތިސާދަށް ކުރާނެ މުހިއްމު ފައިދާތަކުގެ މައްޗަށް އަލިއަޅުވާލައްވާފައެވެ.
މި އެގްޒިބިޝަންގައި 48 ޤައުމަކުން ބައިވެރިވެއެވެ. އަދި 280 އެގްޒިބިޓަރުންގެ ސްޓޯލްތައް މިއަހަރު ފެނިގެންދާނެއެވެ.
މީގެ އިތުރުން، ބައިނަލްއަޤުވާމީ ”ކަލިނަރީ ކޮމްޕެޓިޝަން“ މިއަހަރުވެސް ބާއްވާއިރު، 600ށް ވުރެ ގިނަ ޝެފުން މިއަހަރުވެސް މި މުބާރާތުގައި ބައިވެރިވެއެވެ. އަދި 23 ގިންތިއަކުން މުބާރާތުގައި އިންސާފު ކުރުމަށް ވަނީ ހަމަޖެހިފައެވެ.
މި ރަސްމިއްޔާތުގައި ބައިނަލްއަޤުވާމީ ޗެފުންގެ ދުވަސް ފާހަގަ ކުރުމުގެ ގޮތުން ޚާއްސަ ކޭކެއްވެސް ފަޅާފައިވެއެވެ.
