ރިޔާސީ ވައުދާއި އެއްގޮތަށް ލ. އަތޮޅުގައި އެއާޕޯޓު އެޅުމުގެ މަސައްކަތް ކުރިޔަށް ގެންދާނެކަމަށާއި، އެހެން ނަމަވެސް މިހާތަނަށް މަޝްރޫއު ގެންދާނެ ވަކި ސަރަހައްދެއް ނިންމާފައި ނުވާއިރު ހިތަދޫއިން އެއާޕޯޓާއި ގުޅޭ ތަފްސީލީ ޕްރޮޕޯޒަލްއެއް ހުށަހަޅައިފި އެވެ.
ލ. އަތޮޅުގެ ރަށްތަކަށް ކުރައްވަމުން ގެންދަވާ ދަތުރުފުޅުގެ ތެރެއިން ދުވަހުގެ ދެވަނަ މަންޒިލެއްގެ ގޮތުގައި ރައީސް މުއިއްޒު ވަޑައިގަތީ ހިތަދޫއަށެވެ. މިއަދުގެ ރަސްމިއްޔާތުގައި ރައީސް އެންމެ ފުރަތަމަ ވެސް ފާހަގަކުރެއްވީ ރިޔާސީ އިންތިހާބުގެ ކެމްޕެއިނުގެ ތެރޭގައި މި ރަށާއި އަތޮޅަށްވީ ވައުދުތަކެވެ. އެކަމަށް އިޝާރާތް ކުރައްވައި ރައީސް ވިދާޅުވީ މިއަދު ހިތަދޫގައި ބިންގާ އެޅިގެން ދިޔަ މަޝްރޫއުތަކާއި އަދި ސޮއި ކުރެވިގެން ދިޔަ ޕްރޮޖެކްޓުތަކަކީ ވެސް ރައްޔިތުންނަށް އޭގެ ސަބަބުން އެތައް ފައިދާތަކެއް ކުރާނެ މަސައްކަތްތަކެއްގެ ގޮތުގައި އުންމީދު ކުރައްވާ ކަމަށެވެ.
ވަކިވަކި މަސައްކަތްތަކުގެ ތެރެއިން ތަށުގެ ސިއްހީ މަރުކަޒު، ހޮސްޕިޓަލް ފެންވަރަކަށް ތަރައްގީ ކުރުމަށް މިހާރު ކުރަމުން ގެންދާ މަސައްކަތްތަކުގެ މައުލޫމާތުރައް ރައްޔިތުންނަށް ރައީސް ހިއްސާ ކުރެއްވި އެވެ. ރައީސް ވިދާޅުވީ ހޮސްޕިޓަލް ފެންވަރުގައި ތަރައްގީ ކުރާއިރު އެންމެ މުހިންމު ކަމަކީ އިންސާނީ ވަސީލަތްތައް އިތުރު ކުރުމާއި، އެނދުތައް އިތުރު ކުރުމެވެ. އެހެންކަމުން ރަށުގެ އިސްކަން ދީގެން ކުރާ މަސައްކަތެއްގެ ގޮތުގައި މ މަޝްރޫއު ކުރިޔަށް ގެންދާނެކަމަށް ރައީސް ވިދާޅުވި އެވެ.
ރަށުގެ ޒަމާންވީ ކޯޒްވޭގެ އަމަލީ މަސައްކަތާއި ގުޅޭގޮތުން ރައީސް ވިދާޅުވީ ޕްރޮޖެކްޓު ނުހުއްޓި ކުރިޔަށްދާނެކަމުގެ ޔަގީންކަން ރައްޔިތުންނަށް ދޭކަމަށެވެ. އަދި މި ހުރިހާ މަސައްކަތެއް ވެސް ކުރާނީ ވަރަށް މުހިންމު އިސްކަމެއް ދީގެންކަމަށް ރައީސް ވިދާޅުވި އެވެ.
ރައީސް ވިދާޅުވީ އެމަނިކުފާނު ރައްޔިތުންނަށް ކޮންމެ ވައުދެއް ވެސް ވަނީ، އެކަމެއް ތަންފީޒު ކުރެވޭނެ ގޮތުގެ ފުރިހަމަ ޕްލޭނެއް އޮވެގެން ކަމަށެވެ. އަދި ވިދާޅުވީ ސަރުކާރުން މަސައްކަތް ކުރަނީ މި ވައުދުތައް އަމަލީ ގޮތުން ނިންމައިދިނުމަށް ކަމަށެވެ.
ރައްޔިތުންގެ ގާތަށް ގޮސް، ކަންކަން އޮޅުންފިލުވުމުގެ އެންމެ ބޮޑު ބޭނުމަކީ، ވީހާވެސް ގާތުން މަސައްކަތް ކުރުންކަމުގައި ރައީސް ވިދާޅުވި އެވެ. އަދި އެގޮތުގައި އަބ
ތިބޭފުޅުންގެ ހިތަށް އެންމެ ބޮޑު ސުވާލެއްގެ ގޮތުގައި އަރާނީ، ތިބޭފުޅުން އެންމެ ބޮޑަށް ބޭނުންވާ އެއާޕޯޓުގެ މަޝްރޫއުއަށް ކިހިނެއްބާއޭ ވާނީ.. މި ދަތުރުގައި އަޅުގަނޑު އެ ކަންކަމެއް ފައިނަލްއެއް ނުކުރަން.. އެއާޕޯޓު ކަންކަމެއް.. އެއާޕޯޓާއި ބެހޭ ގޮތުން ވަކި ގޮތަކަށް، އަޅުގަނޑުމެން ނުނިންމަން.. އަޅުގަނޑު ހަމަ ކުރިން ވެސް ދަންނަވާލި ގޮތަށް މި އަތޮޅުގައި ހަމަ ދެވަނަ އެއާޕޯޓެއް އެޅުމަކީ އަޅުގަނޑުގެ ރިޔާސީ ވައުދެއް.. އެކަން ކުރިޔަށް ގެންދާނަން.. އެކަން ކުރުމުގައި ތިބޭފުޅުންގެ ފަރާތުން ވެސް، އެބައޮތް.. ވަރަށް، ވަރަށް ޓެކްނިކަލީ ވަރަށް ސައުންޑް ޕްރޮޕޯޒަލްއެއް، ދެކޮޅު ޖެހޭ ފީޒަބަލް ޕްރޮޕޯޒަލްއެއް ހުށަހަޅުއްވާފައި.. ވަރަށް މަސައްކަތް ކުރައްވައިގެން ހުށަހަޅުއްވާފައި އޮތީ.. ހުރިހާ އޭނގަލްއަކުން ވަރަށް ވިސްނަވާފައި ހުށަހަޅުއްވާފައި.. ތިބޭފުޅުންގެ މުޅި ކޮމިއުނިޓީގައި، މުޅި ރަށުގައި އޮތީ އެއް ރޫހެއްކަން އެނގޭ.. އެއްވިސްނުމެއްކަން ވެސް އެނގޭ، އަދި އޭގެ ފައިދާތައް ވެސް އަޅުގަނޑަށް ވެސް ވިސްނޭ.. މިބަލަނީ މިކަން މި އޮތޮޅުގައި އަވަހަށް ނިންމަން، ނިންމާއިރުގައި ދުރުރާސްތާއެއްގައި މި އަތޮޅަށް ވެސް މަންފާވާ ގޮތަށް.. ތަރައްގީގެ ގޮތުން، ދަތުރުފަތުރުގެ ރޮނގުން.. މި ދަތުރުގައި އިއުލާނު ނުކުރުމަކީ، މިކަން ނުކުރުމެއް ނޫން.. ތިބޭފުޅުންގެ ފަރާތުން ހުށަހަޅާ ކަންކަން ވަރަށް ރަނގަޅަށް އެނގޭ.
ރައީސް ވިދާޅުވީ، ހިތަދޫއިން އެއާޕޯޓެއް އެޅުމަށް ”ޓެކްނިކަލީ ދެކޮޅު ޖެހޭ، ފީޒަބަލް ޕްރޮޕޯޒަލްއެއް“ ހުށަހަޅާފައިވާކަމަށެވެ.
ރައީސް ވިދާޅުވީ، ހިތަދޫ ރައްޔިތުން އެ އަތޮޅުގައި އެއާޕޯޓެއް އެޅުމަށް ވަރަށް ބޮޑަށް ބޭނުންވާކަން އެނގިވަޑައިގަންނަވާ ކަމަށާއި، މި ދަތުރުފުޅުގައި އެއާޕޯޓު އަޅާނެ ރަށް ފައިނަލް ނުކުރެއްވިޔަސް، މިއީ އެކަން ނުކުރައްވާނެ ކަމުގެ މާނައެއް ނޫން ކަމަށެވެ. އެމަނިކުފާނު ވަނީ، ހިތަދޫއިން ހުށަހަޅާފައިވާ ޕްރޮޕޯޒަލް ވަރަށް ގިނަ ކަންކަމަށް ރިއާޔަތްކޮށްފައިވާކަން ވެސް ފާހަގަކުރައްވާފަ އެވެ. އަދި މިއީ ވަރަށް ބޮޑު މަސައްކަތެއްކަމަށް ވެސް ވިދާޅުވި އެވެ.
އެމަނިކުފާނު އިތުރަށް ވިދާޅުވީ، ހިތަދޫގެ މުޅި ކޮމިއުނިޓީގައި އެއް ރޫހެއްގައި އެއް ވިސްނުމެއް އޮތްކަން އެނގިވަޑައިގަންނަވާ ކަމަށާއި، އެއާޕޯޓެއް އެޅުމުގެ ފައިދާތައް ވެސް އެމަނިކުފާނަށް ވިސްނިވަޑައިގަންނަވާ ކަމުގައެވެ.
މިކަން ލ. އަތޮޅުގައި އަވަހަށް ނިންމުމަށް މަސައްކަތް ކުރައްވަމުން ގެންދަވާ ކަމަށާއި، ނިންމާއިރުގައި ދުރުރާސްތާއެއްގައި އަތޮޅަށް ތަރައްގީގެ ގޮތުންނާއި ދަތުރުފަތުރުގެ ރޮނގުން މަންފާވާ ގޮތަށް ނިންމަވާނެ ކަމަށް ރައީސް ވިދާޅުވިއެވެ.
މިކަމާ ގުޅިގެން ވަކި ގޮތަކަށް ސަރުކާރުން އަދި ނުނިންމަވާ ކަމަށާއި، ނަމަވެސް އެއާޕޯޓެއް އެޅުމުގެ ވައުދުގައި ސަރުކާރު ދެމި އޮންނާނެ ކަމުގެ ޔަގީންކަން ރައީސް ވަނީ ލ. އަތޮޅުގެ ރައްޔިތުންނަށް ދެއްވާފައެވެ.
