ހޮޓެލް އޭޝިއާ އެގްޒިބިޝަން 2025 ރަސްމީކޮށް އިފްތިތާޙު ކޮށްފައިވާއިރު، ސްޓޭޓް ޓްރޭޑިންގ އޮގަނައިޒޭޝަން (އެސްޓީއޯއިން) ވެސް ޚާއްސަ ލަކީޑްރޯ ޙަރަކާތެއް ފަށައިފިއެވެ.
އެސްޓީއޯގެ ސްޓޯލްއިން ފެންނަނީ އެ ކުންފުނިން އިމްޕޯޓުކުރާ އަދި މާކެޓުކުރާ އެންމެ މަޤްބޫލު ބްރޭންޑުތަކެވެ. އަދި އަލަށް ތައާރަފްކުރާ 4 ބްރޭންޑެއްވެސް ހިމެނިފައިވެއެވެ.
އެސްޓީއޯގެ ފަރާތުން ”ސަންގަށް“ މައުލޫމާތު ދެމުން ބުނީ، އަލަށް ތައާރަފްކުރާ ބްރޭންޑުތަކުގެ ތެރޭގައި ހިމެނެނީ ކެމްޕާ ޖޫސް، އޮލިންޕަސް ޗީޒް އެންޑް ޔޯގަޓް، ޗިއޯސް ގާޑަންގެ ޖޫސް އަދި މެކޯއީގެ ޓީ ކަމަށެވެ.
މީގެ އިތުރުން، އެސްޓީއޯއާއި ކޮފީސްޓޭޓް ގުޅިގެން ކުރިއަށްގެންދާ ކޮލަބޮރޭޝަނެއްގެ ދަށުން އެސްޓީއޯ ޑެވަންޑޮލް ފުލް ކްރީމް މިލްކް އަދި ޗިއޯސް ގާޑަންގެ ޖޫސް ބޭނުންކޮށްގެން ތައްޔާރު ކުރާ އެކިއެކި ބުއިންތައް ތަޖުރިބާކޮށްލުމުގެ ފުރުސަތުވެސް ވަނީ ހުޅުވާލެވިފައެވެ.
މި ސްޓޯލްއަށް އަންނަ ފަރާތްތަކުން ހިލޭ އެ ބުއިންތައް ތަޖުރިބާކޮށްލުމުގެ ފުރުސަތު ހުޅުވާލާފައިވާއިރު، ”ވިޒިޓް އެންޑް ވިން“ ލަކީ ޑްރޯއެއް ކުރިއަށް ގެންދިއުމަށް ވަނީ ހަމަޖެހިފައެވެ. އަދި ކޮންމެ ދުވަހަކުވެސް ސޯޝަލް މީޑިއާ މެދުވެރިކޮށް ނަސީބުވެރި ފަރާތްތައް އިއުލާނު ކުރެވިގެންދާނެއެވެ.
މި އެގްޒިބިޝަންގައި 48 ޤައުމަކުން ބައިވެރިވެއެވެ. އަދި 280 އެގްޒިބިޓަރުންގެ ސްޓޯލްތައް މިއަހަރު ފެނިގެންދާނެއެވެ.
