ތިން ކިލޯއަށް ވުރެ ގިނަ މަސްތުވާތަކެއްޗާއި އެކު ދިވެއްސަކާއި، ބިދޭސީއަކު ފުލުހުންގެ ބެލުމުގެ ދަށަށް ގެންގޮސްފި އެވެ.
މި ދެ މީހުން ހައްޔަރުކޮށްފައި ވަނީ މަސްތުވާތަކެތި ގެންގުޅެ އޭގެ ވިޔަފާރި ކުރާކަމަށް ފުލުހުންގެ އިންޓެލިޖެންސަށް ލިބުނު މައުލޫމާތަކާއި ގުޅިގެން ހިންގި އޮޕަރޭޝަނެއްގައި ގއ. މާމެންދޫއިންނެވެ.
ފުލުހުން ބުނި ގޮތުގައި މައްސަލައިގައި ހައްޔަރު ކުރީ ފިޔާތޮށިވިލާ، އަޒުހަދު ނަސީމް (28 އ.) އާއި، ބަންގްލަދޭޝްގެ ރައްޔިތެއްކަމަށްވާ ހަނީފް، (36 އ.) އެވެ.
ފުލުހުން ހިންގި އޮޕަރޭޝަނުގައި ދެ އުޅަނދެއް ބަލައި ފާސްކުރިއިރު މަސްތުވާތަކެތިކަމަށް ތުހުމަތު ކުރެވޭ ތިން ކިލޯއަށް ވުރެ ގިނަ ތަކެތި ފެނިފައި ވެއެވެ.
މި މައްސަލައިގައި ބަންދާއި މެދު ގޮތެއް ނިންމުމަށް ހާޒިރުކުރުމުން، ބަންގްލަދޭޝްގެ މީހާ ފަސް ދުވަހަށް އަދި ޒުހަދު 15 ދުވަހަށް ބަންދު ކުރުމަށް ވަނީ އަމުރުކޮށްފަ އެވެ.
