އެސްޓީއޯއިން ވިއްކާ ފިޔާ އަދި އަލުވީގެ އަގު ހެޔޮކޮށްފި އެވެ.
އެސްޓީއޯއިން ބުނީ މިއަދުން ފެށިގެން ފެނައި މި ބަދަލާއި އެކު، ކުރިން 12 ރުފިޔާއަށް ވިއްކި ފިޔާ ކިލޯއެއްގެ އަގު 10 ރުފިޔާއަށް ހެޔޮކޮށްފައިވާކަމަށެވެ. މި ބަދަލާއި އެކު ކުރިން 250 ރުފިޔާއަށް ވިއްކަމުން ދިޔަ ފިޔާ ބަސްތާއެއްގެ އަގު ވަނީ 190 ރުފިޔާއަށް ކުޑަވެފަ އެވެ.
ރޯދަ މަހު އެންމެ ޑިމާންޑު ބޮޑު އެއް ބާވަތްކަމަށްވާ، އަލުވި ކިލޯގެ އަގު ވެސް ވަނީ 14 ރުފިޔާއިން 12 ރުފިޔާއަށް ކުޑަކޮށްފަ އެވެ. އަދި 300 ރުފިޔާއަށް ކުރިން ލިބުނު އަލުވި ބަސްތާއެއްގެ އަގު ވަނީ 160 ރުފިޔާއަށް ހެޔޮވެފަ އެވެ.
މި ބަދަލުތައް ގެނައި ސަބަބެއްކަމަށް އެސްޓީއޯއިން ބުނީ ރޯދަ މަހާއި ގުޅިގެން އަންމުންނަށް ތަކެތި ހެޔޮ އަގުގައި ލިބޭނެ ގޮތް ހަމަޖެއްސުމެވެ.
ރޯދައަށް ހާއްސަކޮށް ގޭތެރެއަށް ބޭނުންވާ އެހެނިހެން ގިނަ ކާބޯތަކެތީގެ ބާވަތްތަކުން، އަގު ހެޔޮކޮށްފައިވާކަމަށް އެސްޓީއޯއިން ވަނީ ބުނެފަ އެވެ.
