ތ. ވަންދޫގައި ސިހުރު ހަދާކަމަށް ތުހުމަތު ކުރެވޭ މައްސަލައެއްގައި މީހަކު ހައްޔަރުކޮށްފި އެވެ.
މި މައްސަލައާ ގުޅިގެން ފުލުހުންގެ ބެލުމުގެ ދަށަށް ގެންގޮސްފައިވަނީ އުމުރުން 61 އަހަރުގެ ދިވެހި ފިރިހެނެކެވެ.
ފުލުހުން މި މީހާ ހައްޔަރުކުރީ އިއްޔެ ހަވީރުގެ ވަގުތެއްގައި، މައްސަލައިގައި ލިބުނު ރިޕޯޓަކާއި ގުޅިގެންނެވެ.
މީޑިއާތަކަށް ފޮނުވި މެސެޖެއްގައި ފުލުހުން ބުނީ، އެ ރަށުގައި ސިހުރު ހަދާކަމަށް އޭނާގެ މައްޗަށް ކުރެވޭ ތުހުމަތުތައް ތަހުގީގު ކުރަމުން ދާކަމަށެވެ.
މިއީ ސިހުރު ހެދުމުގެ ތުހުމަތުގައި މި އަހަރުގެ ތެރޭގައި ރާއްޖެއިން މީހަކު ހައްޔަރުކުރި ދެވަނަ ފަހަރެވެ.
އެގޮތުން މީގެ ކުރިން މާލޭގެ ގެސްޓްހައުސްއެއް ބަލައިފާސްކޮށް، ސިހުރު ހެދުމަށާއި އެކަމަށް ބޭނުންކުރާ ސާމާނު ގެންގުޅުނު ކަމުގެ ތުހުމަތުގައި އުމުރުން 63 އަހަރުގެ ފިރިހެނަކު ވެސް ވަނީ ހައްޔަރުކޮށްފަ އެވެ.
