އެމްޑީޕީން ވެރިކަމުގައި އޮންނައިރު ވެސް ޕާޓީގެ އެންމެ އިސް ލީޑަރަކީ ރާއްޖޭގެ ރައީސް ކަމަށް ބުނާ ބައި އުނިކޮށް އަބަދުވެސް ޕާޓީގެ އިސް ލީޑަރަކަށް ވާނީ ޕާޓީގެ ޗެއާޕާސަން ކަމަށް ހަމަޖައްސަން ކޮންްގްރެސްއަށް ހުށައަޅަން ޕާޓީގެ އާ އަސާސީ ގަވައިދުގެ ދެލިކޮޕީގައި ހިމަނައިފިއެވެ.
އާ އަސާސީ ގަވާއިދުގައި ހިމެނޭ އެންމެ ބޮޑު ބަދަލަކީ ޕާޓީގެ ޗެއާޕާސަނަށް ދައުލަތުން މުސާރަ ލިބޭ އެހެން އެއްވެސް މަގާމެއް ފުރުން މަނާކުރުމެވެ. އޭގެ ތެރޭގައި ރާއްޖޭގެ ރައީސްގެ މަގާމު ވެސް ހިމެނޭނެއެވެ.
އޭގެ އިތުރުން ޕާޓީގެ ލީޑާޝިޕަށް ދެން އަންނަ ބަދަލުތަކުގެ ގޮތުގައި ހިމެނެނީ އެމްޑީޕީގެ ލީޑާޝިޕްގެ އެންމެ އިސް ފަރާތަކީ ޗެއާޕާސަން ކަމަށާއި އެމްޑީޕީގެ ވެރިކަމުގައި އޮންނައިރު ރާއްޖޭގެ ރައީސަކީ އެންމެ އިސް ލީޑަރު ކަމަށް ބުނާ ބައި ވަނީ އުނިކޮށްފައއެވެ.
ޗެއާޕާސަންގެ ނައިބުންގެ ގޮތުގައި މާލީ ނައިބަކާއި އިދާރީ ނައިބެއް މިހާރު އޮންނައިރު ސިޔާސީ ނައިބެއް އިތުރުުކުރަން ހިމެނޭ؛ އޭގެެ ތެރެއިން އެކަކަކީ އަންހެނަަކަށް ވެސް ވާން ޖެހޭ ގޮތަށް ބަދަލު ހުށައަޅާފައިވެއެވެ.
އެމްޑީޕީގެ ރިޔާސީ ކެންޑިޑޭޓު، އަދި ރިޔާސީ އިންތިހާބު ކާމިޔާބުކޮށް އެމްޑީޕީގެ ސަރުކާރެއް އަންނަ ހާލަތުގައި ރައީސަކަށް ހުންނަ ޕާޓީގެ ބޭފުޅާ އަދާކުރައްވަން ޖެހޭ މަސްއޫލިއްޔަތުތަކެއް ވެސް އާ އަސާސީ ގަވާއިދުގައި ވަނީ ހިމަނައިފައެވެ.
