ވޭތުވެ ދިޔަ 24 ގަޑިއިރުގެ ތެރޭގައި 37 މީހަކަށް ކޮވިޑު ޖެހިގެން ރިޕޯޓުކޮށްފައިވާކަމަށް ހެލްތް ޕްރޮޓެކްޝަން އޭޖެންސީން ހާމަކޮށްފިއެވެ.
އިއްޔެގެ އިރުއޮއްސި 06:00 އިން ފެށިގެން މިއަދުގެ އިރުއޮއްސި 06:00 އާއި ހަމައަށް ބަލި ޖެހިގެން ރިޕޯޓު ކުރި މީހުންގެ ތެރޭގައި ހިމެނެނީ 19 ދިވެއްސަކާއި، ބަންގްލަދޭޝްގެ 12 މީހެއްގެ އިތުރުން އިންޑިއާގެ 06 މީހެކެވެ.
ރާއްޖޭގައި ކޮވިޑު ޖެހުނު މީހުންގެ ޖުމްލަ އަދަދު މިހާރު 2،187 އަށް އަރައެވެ. ބައްޔަށް ފަރުވާދީ ގިނަ ބަޔަކު ރަނގަޅުވެފައިވާއިރު މިވަގުތުގެ އެކްޓިވް ކޭސްތަކުގެ އަދަދަކީ 389 އެވެ.
ބައްޔާއި ގުޅިގެން މިހާތަނަށް 40،848 މީހެއްގެ ސާމްޕަލް ވަނީ ނަގާފައެވެ.
ކޮވިޑާއި ގުޅިގެން އަޅާފައިވާ ފިޔަވަޅުތަކަށް ލުއިދީ، މިހާރު ތަންފީޒު ކުރަމުން މިދަނީ ފޭސް 02 އެވެ.
