ރާއްޖެއިން ކޮވިޑް-19 އަށް ޕޮޒިޓިވްވި މީހުންގެތެރެއިން އިތުރު މީހަކު މަރުވެއްޖެއެވެ. މިއީ ކޮވިޑާއި ގުޅިގެން މަރުވި 9 ވަނަ މީހާއެވެ.
އެޗްޕީއޭ އިން ހާމަކުރި ގޮތުގައި މަރުވެފައިވަނީ ދަރުމަވަންތަ ހޮސްޕިޓަލުގެ ޑީއެޗް11 ގައި ފަރުވާ ދެމުން އައި ފިލިޕީންސްގެ ރައްޔިތެކެވެ. މަރުވެފައިވަނީ 43 އަހަރުގެ ފިރިހެނެކެވެ.
ކޮވިޑް-19 ގައި ރާއްޖެ އިން މިހާތަނަށް މަރުވެފައި ވަނީ ތިން ދިވެހިންނާއި ބަންގްލަދޭޝްގެ ފަސް މީހުންނެވެ.
ރާއްޖެއިން ކޮވިޑް19 އަށް ޕޮޒިޓިވް 2،337 މީހަކު މިހާތަނަށް ވަނީ ފެނިފައެވެ. އޭގެ ތެރެއިން 1،927 މީހަކު ވަނީ ބަލިން މުޅިން ރަނގަޅުވެފައެވެ. ކޮވިޑް-19 ގެ ބަލި މީހުންގެ ގޮތުގައި މިހާރު ތިބީ 397 މީހުންނެވެ.
