ރޭ ބޭއްވި ޓޫރިޒަމް ޑިވޮލަޕްމަންޓް ކޯޕަރޭޝަން (އެމްޓީޑީސީ) ގެ އަހަރީ ޖަލްސާގައި ހިއްސާއަކަށް 60 ލާރި ބަހަން ފާސްކޮށްފިއެވެ.
މިދިޔަ އަހަރު އެމްޓީޑީސީ އަށް 211 މިލިއަން ޑޮލަރުގެ ފައިދާ ވި ކަމަށާއި އެއީ ކުރީ އަހަރާއި އަޅާ ބަލާއިރު 300 ޕަސެންޓްގެ ކުރިއެރުމެކެވެ.
އެމްޓީޑީސީއިން އެންމެ ފުރަތަމަ ހިއްސާ ވިއްކަން ފަށާފައިވަނީ 2007 ވަނަ އަހަރުތެރޭގައެވެ. އެ އަހަރުން ފެށިގެން 2014 އާ ހަމައަށް ހިއްސާ އެއް ވިއްކީ 100 ރުފިޔާ އަށެވެ.
ނަމަވެސް 2014 އިން ފެށިގެން ހިއްސާއެއްގެ މޫނުމަތީ އަގު 10 ރުފިޔާ އަށް ވަނީ ބަދަލުވެފައެވެ.
އެމްޓީޑީސީ އަށް މިވަގުތު އެންމެ ބޮޑު އާމްދަނީ އެއް ލިބެނީ ފަތުރުވެރިކަމުގެ ދާއިރާއިން އެކުންފުނިން ތައްޔާރުކޮށްފައިވާ ދެ ރިސޯޓުންނެވެ. އެއީ އަޔާޑާ މޯލްޑިވްސް އާއި އަނަންތަރާ ވިލާއެވެ.
