އެސްޓީއޯ އާއި ގުޅުވައިގެން ކުރީގެ ރައީސް އަބްދުﷲ ޔާމީން ދެއްކެވި ވާހަކަފުޅަށް، އެސްޓީއޯގެ މެނޭޖިންގ ޑައިރެކްޓަރ ހުސައިން އަމްރު ރައްދު ދެއްވައިފިއެވެ.
ރައީސް ޔާމީން މީގެ ކުރިން ވަނީ އެސްޓީއޯ އަށް 12 ބިލިއަން ފައިދާ ވެފައިވާނަމަ، ކާޑުގެ ބާވަތްތައް ގަތުމަށް އިތުރު ލޯނެއް ނެންގެވީ ކީއްވެތޯ ވިދާޅުވެ ސަރުކާރަށް ފާޑު ވިދާޅުވެފައެވެ.
އެކަމުގެ ރައްދުގައި ޓްވީޓް ކުރައްވައި އަމްރު ވިދާޅުވީ އެސްޓީއޯ އަށް 12 ބިލިއަން ރުފިޔާ ލިބިފައިވަނީ ސާފު ފައިދާގެ ގޮތުގައި ނޫން ކަމަށާއި އެއޫ އެކުންފުންޏަށް އާމްދަނީގެ ގޮތުގައި ލިބިފައިވާ އެއްޗެއް ކަމާއި އެކަން ސާފުކޮށްދޭ ކަމަށެވެ.
އަދި ކާޑު ގަތުމަށް ނަގާފައިވަނީ ޓްރޭޑް ފެސިލިޓީ އެއް ކަމަށާއި އެއީ އިތުރު އިންވެސްޓް ކުރުމަށް ނެގި ފެސިލިޓީއެއް ކަމުގައި ވެސް އަމްރު ވިދާޅުވިއެވެ.
It's important to clarify 12b was revenue, not profit. We signed a trade facility, and it is favorable in business to utilise such financial tools to enable branching into new investments. With an emphasis on diversifying, we have recorded the most profitable year in history. pic.twitter.com/5MtCfPTesP
— Amr 🎈 (@HusenAmr) June 11, 2022
މީގެ އިތުރުން އަމްރު ވިދާޅުވީ އަމާޒަކީ އެސްޓީއޯގެ ވިޔަފާރި ފުޅާކުރުމަށް ކަމަށާއި އެ ވިސްނުމުގެ ދަށުން ތާރީހުގައިވެސް އެކުންފުންޏަށް އެންމެ ގިނަ އަދަދަކަށް ފައިދާވި އަހަރަކަށް ވެފައިވަނީ މިދިޔަ އަހަރު ކަމަށެވެ.
އެސްޓީއޯ ގްރޫޕުގައި އެ ކުންފުނީގެ އިތުރުން އެ ކުންފުނީގެ ދަށުން ހިންގާ އެލައިޑް އިންޝުއަރެންސާއި މިފްކޯ އާއި މޯލްޑިވް ގޭސް އަދި ފިޔުލް ސަޕްލައި މޯލްޑިވްސް (އެފްއެސްއެމް) ހިމެނެ އެވެ.
