ފަތުރުވެރިކަމަކީ ލޭނާރެއް ކަމަށް ކުރީގެ ރައީސް މައުމޫން އަބްދުލް ގައްޔޫމް ވިދާޅުވެއްޖެއެވެ.
ރައީސް މައުމޫންގެ ޓްވީޓްގައި ވިދާޅުވެފައިވަނީ މަސްވެރިކަމަކީ ރާއްޖޭގެ މައި ލޭނާރުކަމުގައި މީގެ 40 އަހަރު ކުރިން ވިދާޅި ފަދައިން ފަތުރުވެރިކަމަކީވެސް މިއަދު ރާއްޖޭގެ އިގްތިސާދަށް މުހިއްމު ދާއިރާއެއް ކަމަށެވެ. އަދި އެ ދާއިރާ އަކީވެސް މަސްވެރިކަމާ އެއްފަދަ މައި ލޭނާރެއް ކަމަށް މައުމޫން ވިދާޅުވިއެވެ.
40 years ago I said that the fishing industry was the main artery of Maldives economy. Today, as we celebrate 50 years of tourism in Maldives, I have to say that tourism is a similar principal artery of our economy. An undeniable fact.
— Maumoon Abdul Gayoom (@maumoonagayoom) October 3, 2022
ރާއްޖޭގެ ފަތުރުވެރިކަމަށް 50 އަހަރު ފުރުން ފާހަގަ ކުރުމުގެ ގޮތުން މި އޮކްޓޯބަރު މަހުގެ 3 ވަނަ ދުވަސް ސަރުކާރުން ވަނީ ބަންދު ދުވަހެއްގެ ގޮތުގައި ހަމަޖައްސަވާފައެވެ.
މިދުވަސް ސަރުކާރު ބަންދު ދުވަހެއްގެ ގޮތުގައި ހަމަޖެއްސެވުމާއި ގުޅިގެން އާއްމުންގެ ތެރެއިން ފަތުރުވެރިކަމުގެ ސިނާއަތުގައި މަސައްކަތް ކުރައްވާ ފަރާތްތަކުންނާއި އިދިކޮޅުން ގެންދަނީ ސަރުކާރަށް ފާޑުކިޔުންތައް އަމާޒުކުރަމުންނެވެ. އެގޮތުން މިއަދު ސަރުކާރު ބަންދު ނަމަވެސް ރިސޯޓްތަކުގައި ވަޒީފާ އަދާ ކުރާ މުވައްޒަފުން ޑިއުޓީއަށް ނިކުމެ ބުރަ މަސައްކަތް ކުރަމުންދާ ކަމަށް ގިނަ ބަޔަކު ވަނީ ބުނެފައެވެ.
މީގެ އިތުރުން އެމްޑީޕީ ސަރުކާރުން ދިވެހި ރާއްޖޭގެ ޓޫރިޒަމް ބޮއިކަޓް ކުރުމަށް މީގެ ކުރިން މަސައްކަތްތަކެއް ކޮށްފައިވާ ކަމަށް އިދިކޮޅުން ވަނީ ބުނެފައެވެ.
