އިދިކޮޅުގެ ރިޔާސީ ކެންޑިޑޭޓް އަދި ކުރީގެ ރައީސް އަބްދުﷲ ޔާމީން އަބްދުލް ގައްޔޫމަށް އެއްވެސް ޝައުގުވެރިކަމެއް ނެތްކަމަށް ރައީސް އޮފީހުގެ ޗީފް އޮފް ސްޓާފް އަލީ ޒާހިރު ވިދާޅުވެއްޖެވެ.
އިދިކޮޅުގެ ކޮންގްރެސް ކޯލިޝަނުން ހއ ބާރަށުގައި ކުރިއަށް ގެންދިޔަ ޖަލްސާއެއް ވާހަކަދައްކަވަމުން ރައީސް ޔާމީންވަނީ، އެމަނިކުފާނުގެ ޝަރީއަތުގެ ކަންކަމާއިމެދު ރައީސް ސާލިހުގެ ސަރުކާރުން ކަންބޮޑުވާކަމަށް ސިފަކުރައްވާފައެވެ. އެމަނިކުފާނު ވިދާޅުވީ ރައީސް އޮފީހުގެ ޗީފް އޮފް ސްޓާފް އަލީ ޒާހިރު އެމަނިކުފާނުގެ ޝަރީއަތް ކުރިއަށް ދާ ގޮތް ބައްލަވަމުންދާކަމަށެވެ. އަދި ”އިރު އިރުކޮޅާ“ އެކަން ކުރައްވަނީ ކޮންމެވެސް ސަބަބެއް އޮވެގެންކަމަށް އެމަނިކުފާނުވަނީ އިޝާރާތްކުރައްވާފައެވެ.
ރައީސް ޔާމީންގެ ފާޑުކިޔުންތަކަށް އަލީ ޒާހިރު ވަނީ ރައްދު ދެއްްވާފައެވެ. އެނާ ވިދާޅުވީ އެނާ އަކީ، ރައީސް ޔާމީން އަށް ޝައުގުވެރިކަމެއް ގެންގުޅުއްވާ ބޭފުޅެއް ނޫންކަމަށެވެ. އެހެންކަމުން އެމަނިކުފާނުގެ ޝަރީއަތުގެ ކަންކަން ހުރި ގޮތާއިމެދު އެއްވެސް ޝައުގުވެރިކަމެއް ނުގެންގުޅުއްވާކަމަށާއި އެ ޝަރީއަތަކީ ޔޫޓިއުބް ވަގުތުން ބްރޯޑް ކާސްޓު ކުރާ ޝަރީއަތެއް ނަމަވެސް އެ ކަމަށް ޝައުގުވެރިކަމެއް ދެއްވާނެ ވަގުތެއް އެނާއަށް ނުލިބޭކަމަށް އަލީ ޒާހިރު ވިދާޅުވިއެވެ.
Manikfaana medhu alhuganduge neh shauguverikameh manikfaanuge shariathaka medhu amudhakun neh ingey tho. YouTube in live kura iru ves manikfaanuge shariah hingamun dhaagoi balalan furusathu nulibi dhani.
— Ali Zahir (alipi) (@alixahir) October 17, 2022
މީގެ އިތުރުން ރައީސް ޔާމީންވަނީ އެމަނިިކުފާނަކީ އެމްއެމްޕީއާރްސީ ހިޔާނާތުން މަންފާއެއް ހާސިލު ކުރައްވައިގެން ހުންނެވި ބޭފުޅެއް ނޫންކަމަށް ވިދާޅުވެފައެވެ. އަދި ރައީސް ސާލިހުގެ ސަރުކާރުންވަނީ ދިވެހިރާއްޖޭގެ މިނިވަންކަމާއި ސިޔާދަތު ގެއްލުވާލާފައިކަމަށް އިޝާރާތްކުރައްވާ އެމަނިކުފާނުވަނީ އެމްޑީޕީއިން ޕީޕީއެމްއަށް ބަދަލުވާ މެމްބަރުންވެސް އެކަންކަން ދެމެހެއްޓުމަށް ގަދަ އަޅައި މަސައްކަތްކުރެއްވުމަށް ވިދާޅުވެފައެވެ.
