ވެރިރަށް މާލޭގައި ފެތުރެމުންދާ ބައްޔަކީ ނޯރޯ ވައިރަސް ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ހާމަކޮށްފިއެވެ.
މިއަދު އެޗްޕީއޭ އިން ކުރެއްވި ޓުވީޓެއްގައި ހާމަކޮށްފައިވާ ގޮތުގައި މި ރޯގާ އަކީ ހަލުވިކަމާއެކު ފެތުރޭ ވައިރަސްއެކެވެ. އަދި މީހުން ގިނައިން އެއްވެ އުޅޭ ތަން ތަނުގައާއި ބަންދު ތަންތަނުގައި މި ރޯގާ ވަރަށް ފަސޭހަ ކަމާއެކު ފެތުރޭ ކަމަށް ވަނީ ހާމަކޮށްފައެވެ.
މާލެ ސަރަހައްދުގައި މިވަގުތު ފެތުރެމުންދާ ހޮޑުލުމާއި ބޭރަށް ހިންގުމަކީ ނޯރޯވައިރަސްގެ ރޯގާއެއް
މިއީ ހަލުވިކަމާއެކު ފެތުރޭ ވައިރަސްއެއް
ޚާއްސަކޮށް ބަންދު ތަންތަނުގައި ނުވަތަ ގިނަ މީހުން އެއްވެ ތިބޭ ތަންތަނުގައި ވަރަށް ފަސޭހައިން ފެތުރޭ ކަމަށް ފާހަގަކުރެވޭ
(1/4)
—
— Health Protection Agency (@HPA_MV) July 29, 2023
މި ރޯގާ އިން ސަލާމަތް ވުމަށްޓަކައި ގިނައިން ސައިބޯނި ލައިގެން އަތްދޮވުމަށް އެޗްޕީއޭއިން އިލްތިމާސް ކުރައްވާފައި ވެއެވެ. ހޭންޑްސެނިޓައިޒަރ އެކަނި ބޭނުން ކުރުމުން ނޯރޯވައިރަސް އިން ރައްކާތެރި ނުކޮށްދޭ ކަމުގައި ވެސް ވަނީ އަންގަވާފައެވެ.
ހޮޑު ނުވަތަ ބޮޑުކަމުދާ ތަކެތި އެޅިފައިވާ ތަން ތަން ސާފުކުރުމަށް ޓިޝޫ ނުވަތަ ޕޭޕަރ ޓަވަލް އިން ސާފުކުރުމަށް ފަހު 5 މިނަޓު ވަންދެން ބްލީޗް އަޅައިފާބެހެއްޓުމަށް ވަނީ ވިދާޅުވެފައެވެ. އަދި ބްލިޗް ސާފުކޮށް އެތަން ސައިބޯނި ނުވަތަ ދޮންނަ ސޮލިއުޝަން އަކުން ސާފުކުރުމަށް އަންގަވާފައި ވެއެވެ.
ބަލީގެ އެއްވެެސް އަލާމާތެއް ހުރިނަމަ ބަލީގެ އަލާމަތްތަށް ފިލާތާ 24 ގަޑިއިރު ވަންދެން ކާބޯތަކެތި ތައްޔާރު ކުރުމުގައި ބައިވެރި ނުވުމަށާއި މީހުން އެއްވާ ތަންތަނަށް ނުދިޔުމަށް ވަނީ އަންގަވާފައެވެ.