ކުރީގެ ރައީސް އަބްދުﷲ ޔާމީން އަބްދުލްގައްޔޫމް ގޭބަންދަށް ބަދަލު ކުރުމުގެ މަސައްކަތް ފަށައިފި އެވެ.
”ސަންގު“ އަށް އެނގިފައިވާ ގޮތުގައިމިއަދުގެ ވަގުތެއްގައި ރައީސް ޔާމީން ގޭބަންދަށް ބަދަލު ކުރުމަށް ވަނީ ހަމަޖެހިފަ އެވެ.
ރަސްމީ އިދާރާއަކުން ރައީސް ޔާމީން ގޭބަންދަށް ބަދަލު ކުރާކަން ކަށަވަރުނުކޮށްދިން ނަމަވެސް، ރޭގެ ރިޔާސީ އިންތިހާބުގެ ނަތީޖާއަށް ފަހު އިންތިހާބީ ރައީސް ޑރ. މުހައްމަދު މުއިއްޒު އެންމެ ފުރަތަމަ ވެސް ގޮވާލެއްވީ ރައީސް ޔާމީން ގޭބަންދަށް ބަދަލު ކުރުމަށެވެ. އަދި އެމަނިކުފާނު މިނިވަންކޮށް، އެއީ ކުށެއް ނެތް ބޭފުޅެއްކަމަށް ކަނޑައަޅައިދިނުމަށެވެ.
