ހިޔާ ފްލެޓުގެ އެޕާޓްމެންޓުން ވެއްޓުނު ކުއްޖާ ނިޔާވެއްޖެއެވެ.
ހިޔާ ފްލެޓުގެ އެޗް 6 ގެ 12 ވަނަ ފްލޯއިން ވެއްޓުނީ އުމުރުން 15 އަހަރުގެ ފިރިހެން ކުއްޖެކެވެ. ރޭ 12:00 ހާއިރު ހިންގި މި ހާދިސާގައި ކުއްޖާއަށް ސީރިއަސް އަނިޔާތަކެއް ލިބުނެވެ.
މަންޒަރު ދުށް ބައެއް މީހުން ބުނީ ކުއްޖާ ވެއްޓުނީ، ހިޔާގެ އެ ޓަވަރު ކައިރީ ޕާކުކޮށްފައި އޮތް ކާރެއްގެ މައްޗަށް ކަމަށެވެ. އަދި ވަރަށް ބޮޑެތި އަނިޔާތައް ލިބުނުކަމަަށް ވެސް މަައުލޫމާތު ދިނެވެ.
ޒަހަމްތަކަށް ފަރުވާ ދެމުން ދަނިކޮށް ކުއްޖާ ނިޔާވިކަން ހޮސްޕިޓަލުން ކަށަވަރުކޮށް ދިނީ ދަންވަރު 01:00 ހާއިރު އެވެ.
މީޑިއާތަކަށް މައުލޫމާތު ދެމުން ފުލުހުން ބުނީ މި ހާދިސާ ހިނގައިދިޔަ ގޮތް ތަހުގީގު ކުރަމުންދާ ކަމަށެވެ.
