އަންނަ އަހަރުން ފެށިގެން ނަސްރުގެ ދުވަހަށް ދޭން ޖެހޭ ސަމާލުކަން ސަރުކާރުން ދޭނެކަމަށް އިންތިހާބީ ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިއަދު ވިދާޅުވެއްޖެވެ.
ނަސްރުގެ ދުވަހަކީ 1988 ވަނަ އަހަރުގެ ނޮވެމްބަރު ތިނެއްގައި ދިވެހިރާއްޖެއަށް ދިން އުދުވާނީ ހަމަލާގައި، ރާއްޖެއަށް ލިބުނު ނަސްރު ފާހަގަކުރާ ދުވަހެވެ.
މިއަދު ފާހަގަކުރަމުން އަންނަ މި އަހަރުގެ ނަސްރުގެ ދުވަހުގެ މުނާސަބަތުގަައި ދިވެހިންނަށް ތަހުނިޔާ ފޮނުއްވަމުން އިންތިހާބީ ރައީސް ޑރ. މުއިއްޒު ވިދާޅުވީ ނަސްރުގެ ދުވަހުގެ މުހިއްމުކަން ޒުވާނުންނަށް ފުރިހަމަ ގޮތުގައި ފޯރުކޮށް ދިނުމަށްޓަކައި އަންނަ އަހަރުން ފެށިގެން ނަސްރުގެ ދުވަހަށް ދޭން ޖެހޭ ސަމާލުކަން ސަރުކާރުން ފުރިހަމަ އަށް ދެއްވާނެ ކަމަށެވެ.
ނަސްެރުގެ ދުވަހުގެ ހެޔޮ ދުޢާއާއި ތަހްނިޔާ ދިވެހި އެންމެހާ ލޮބުވެތި ރައްޔިތުންނަށް އަރިސްކުރަން! ނަަސްރުގެ ދުވަހުގެ ޒިކުރާ އާކޮށް އެ ދުވަހާއި ބެހޭ މަޢުލޫމާތު، ޚާއްސަކޮށް ޒުވާނުންނަށް ފުރިހަމަ ގޮތުގައި ފޯރުކޮށްދިނުމުގެ މުހިއްމު ކަމަށްޓަކައި، 2024 އިން ފެށިގެން ނަސްރުގެ ދުވަހަށް… pic.twitter.com/ErFNhbBJfH
— Dr Mohamed Muizzu (@MMuizzu) November 3, 2023
މި ސަރުކާރުގެ ފަސް އަހަރު ވެސް އެ ދުވަސް ފާހަގަ ނުކުރާތީ އާންމުންނާއި އިދިކޮޅު ސިޔާސީ ލީޑަރުންގެ ފާޑުކިޔުންތައް އޮތީ ވަރަށް ބޮޑަށް އަމާޒުވެފައެވެ. މީގެ ކުރިން ނަސްރުގެ ދުވަސް ކުލަގަދަކޮށް ފާހަގަ ކުރާކަމަށާއި އެހެންނަމަވެސް މި ސަރުކާރުން އެ ދުވަސް ފާހަގަކުރަން ސަމާލުކަން ނުދޭ ކަމުގެ ޝަކުވާ ރައްޔިތުންނާއި ސިޔާސީ ލީޑަރުން އަންނަނީ ކުރައްވަމުންނެވެ.
1988 ނޮވެމްބަރު ތިނެއްގެ ހާދިސާގައި 19 ދިވެހިން ޝަހީދުވެ އޭގެ ތެރޭގައި ސިފައިންނާއި އާންމުން ވެސް ހިމެނެއެވެ.
advertisment