ޑިމޮކްރެޓްސްއިން އިންތިހާބީ ރައީސް ޑރ މުހައްމަދު މުއިއްޒު އާއި ދެކޮޅަށް ބަޣާވާތެއް ކުރުމަށް ރާވަމުންދާކަމަށް ރައްޔިތުންގެ މަޖިލީހުގެ ފޭދޫ ދާއިރާގެ މެމްބަރު މުހައްމަދު ނިހާދު ވިދާޅުވެއްޖެއެވެ.
މަޖިލީހުގެ ނައިބުރައީސް ނެތިވެސް ރައީސް މުހައްމަދު ނަޝީދުގެ އިތުބާރު ނެތްކަމުގެ މައްސަލަ ކުރިއަށް ގެންދެވޭނެކަމަށް ސުޕްރީމް ކޯޓުން ކަނޑައަޅާފައިވާއިރު، އެ ކޯޓުންވަނީ އިންތިހާބީ ރައީސްގެ ހުވައާއި މެދު ސުވާލު އުފައްދައި ގަވައިދު މާނަ ނުކުރެވޭނެކަމަށްވެސް ބުނެފައެވެ.
އިންތިހާބީ ރައީސްގެ ހުވާ ގަބޫލު ނުކުރާނެކަމަށް އެމްޑީޕީން ނެގި ނުކުތާއަށް ހުކުމުގައި ބުނެފައި ވަނީ، ގާނޫނު އަސާސީން ލާޒިމު ކުރާ އެއްވެސް ކަމަކަށް ހުރަސް އެޅޭ ގޮތަށް ރައްޔިތުންގެ މަޖިލީހުގެ ގަވައިދުގެ އެއްވެސް މާއްދާއެއް މާނަ ނުކުރެވޭނެ ކަމަށެވެ. ހުކުމާއި އެކު ރައީސް ނަޝީދު ވެސް ޓުވީޓެއް ކުރައްވައި ވިދާޅުވީ، އެމްޑީޕީއިން ހުވާކުރުމުގެ ރަސްމިއްޔާތު ހުއްޓުވުމަށް ބޮޑު ރޭވުމެއް ރޭވިނަމަވެސް އެ ފެއިލްވެފައިވާ ކަމަށެވެ.
Inthihaabee Raees, @MMuizzu ge riyaasee huvayaai medhu Suvaala ufedheyne magu fahikoh Baghaawaath akah fahi kuran Democrats in kuri Masakkaih naakaaiyaab vumun hajam nuvegen, SC Fandiyaarunnah lolah bolah govaifi! 😂😂😂
— Feydhoo Meehaa (Mohamed Nihad) (@nihad_m) November 9, 2023
ރައީސް ނަޝީދުގެ މި ޓުވީޓަށް ރައްދު ދެއްވައި ނިހާދު ވިދާޅުވީ، އިންތިހާބީ ރައީސްގެ ހުވައާއި މެދު ސުވާލުު އުފެއްދުމަށާއި ބަޣާވާތަކަށް ފަހިކުރުމަށް ވެސް ޑިމޮކްރެޓްސްއިން މަސައްކަތް ކުރިކަމަށެވެ. އެހެންނަމަވެސް އެ މަސައްކަތްތައް ނާކާމިޔާބުވެފައިވާކަމަށް ނިހާދު ވިދާޅުވިއެވެ. އޭނާ ވިދާޅުވީ، ނާކާމިޔާބު ވުމުން ހަޖަމު ނުވެގެން ސުޕްރީމް ކޯޓުގެ ފަނޑިޔާރުނަށް ޑިމޮކްރެޓްސްއިން ފާޑުކިޔާފައިވާކަމަށެވެ.
advertisment