މަހަށް ނުކުމެ އުޅެނިކޮށް ގއ. ގެމަނަފުށީ ދޯއްޏެއް ބިންދައިގެން ގޮސްފިއެވެ.
ބިންދައިގެން ގޮސްފައިވަނީ ގެމަނަފުށީ އޯކިޑް 707 ނަމަކަށް ކިޔާ ދޯއްޏެކެވެ. އެ ދޯނި ބިންދައިގެން ގޮސްފައިވަނީ ޏ. ފުވައްމުލަކު ބޭރުންނެވެ.
ގެމަނަފުށީ އޯކިޑް ދޯންޏަކީ 111 ފޫޓްގެ ދިގުމިނުގެ ދޯއްޏެކެވެ. މި ދޯނި ބިންދައިގެން ގޮސްފައިވާއިރު މައުލޫމާތު ލިބޭގޮތުގައި ދޯނި ވަނީ އެއްކޮށް ދެފަޅިވެފައެވެ.
ފުވައްމުލަަށް ބޭރަށް މަހަށްނުކުމެތިބި މަސް ދޯނި ތަކުންވަނީ އެ ދޯނީގައި ތިބި ފަޅުވެރިންނަށް އެހީތެރިކަންފޯރުކޮށްދީފައެވެ. އަދި އެ ދޯނީގެ ތިބީ ސީދާ ކިތައްފަޅުވެރިން ކަމެއް އަދި ސާފެއް ނުވެއެވެ.
ކޯސްޓުކާޑުންވެސް ވަނީ އެ ދޯންނީގައި ތިބި ފަޅުވެރިންނަށް އެހީތެރިކަން ފޯރު ކޮށްދީފައެވެ.
advertisment