ރައީސް އިބްރާޙިމް މުހައްމަދު ސާލިހާއި އެމްޑީޕީއިން ވަނީ މަދުން ނޫނީ ދިވެހި މާލިއްޔާތަށް ދަތިނުވާ މިންވަރަށް ދަތިކޮށްފައިކަމަށް އެ ޕާޓީގެ ކުރީގެ ރައީސް އަދި މަޖިލީހުގެ ކުރީގެ މުހައްމަދު ނަޝީދު ވިދާޅުވެއްޖެއެވެ.
މަޖިލީހުގެ ރިޔާސަތުން ވަކިވެވަޑައިގެންނެވުމަށްފަހު މައްޗަންގޯޅި މެދު ދާއިރާ ތަމްސީލުކުރައްވަމުންދާ ރައީސް ނަޝީދުވަނީ އެމްޑީޕީއާއި ރައީސް ސާލިހަށް ފާޑުވިދާޅުވެފައެވެ. އެގޮތުން ރައީސް ސާލިހާއި އެމްޑީޕީއިން ވެރިކަމުގެ ދައުރު ނިންމާލާއިރު، މަދުން ނުނީ ވެފައިނުވާ މިންވަރަކަށް ދިވެހިިރާއްޖޭގެ މާލީ ހާލަތު ދަށަށް ގޮސްފައިވާކަމަށް ވިދާޅުވިއެވެ.
އެމަނިކުފާނު ވިދާޅުވީ، ދިވެހިރާއްޖެ އޮތީ ނާޒުކު ފައްތަރެއްގައިކަމަށާއި، އެހެންކަމުން އިންތިހާބީ ރައީސް ޑރ މުހައްމަދު މުއިއްޒުއަށްވެސް ކަންކަން ކުރުމަށް ބޭނުންވާ ބަޖެޓު ސަޕޯޓު ހޯއްދެވުމުގައި ދަތިތަކާއި ކުރިމަލައްވަންޖެހިވަޑައިގަންނަވާނެކަމަށް ވިދާޅުވިއެވެ. ރައީސް ނަޝީދު ވިދާޅުވީ، ކުރިއަށް އޮތް ޑިސެމްބަރު މަސްވެގެންދާނީ ރާއްޖެއަށް ދަތި މަހަކަށް ކަމަށެވެ.
އެމްޑީޕީގެ ވެރިކަމަށް ފާޑުވިދާޅުވެ ރައީސް ނަޝީދު ޓްވީޓް ކުރެއްވިއިރު، އެމަނިކުފާނުވަނީ ސަޕްލިމެންޓަރީ ބަޖެޓު ހުށައެޅުމުގެ މަރުހަލާގެ ތެރޭގައި ސަރުކާރުން ގާނޫނާއި ހިލާފަށް އަމަލުކޮށްފައިވާކަމަށް ބުނެ އަޑުއުފުއްލަވާފައިކަން ފާހަގަކުރެވެއެވެ.
