ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ)ގެ މެންބަރުކަމަށް މި ސަރުކާރުން އައްޔަންކުރެއްވި ފަސް މެންބަރުންނަށް ރުހުން ހޯދުމަށް ރައްޔިތުންގެ މަޖިލީހަށް ފޮނުވި މައްސަލަ ކޮމިޓީއަށް ފޮނުވައިފިއެވެ.
މި މައްސަލަ ދިރާސާ ކުރުމަށް ފޮނުވާފައިވަނީ މަޖިލީހުގެ ސްޓޭޓް އޯންޑް އެންޓަޕްރައިޒަސް (އެސްއޯއީ) ކޮމިޓީއަށެވެ
ޕީސީބީއަށް އައްޔަންކުރާ މެންބަރުން:
- ބޯޑުގެ ރައީސްކަމަށް ހަމްދީ އަގީލް
- އިކޮނޮމިކްސް ދާއިރާއަށް ހަސަން ޒަރީރު
- އެކައުންޓިން އަދި ފިނޭންސްގެ ދާއިރާއިންއަށް އަހުމަދު މުޝްތާގު
- ބޭންކިންގެ ދާއިރާއަށް ލީނާ އަބްދުލް ޖަލީލް
- ބިޒްނަސް އެޑްމިނިސްޓްރޭޝަންގެ ދާއިރާއިއަށް މޫސާ ފަތުހީ އާދަމް
ރުހުން ހޯދުމަށް މަޖިލީހަށް ފޮނުވާފައިވާއިރު، މީގެ ތެރޭގައި އެ ބޯޑަށް ގާނޫނީ ދާއިރާއިން އައްޔަންކުރެއްވި އަހްމަދު ނަޝާތުގެ ނަން ހިމަނުއްވާފައެއް ނުވެއެވެ. މި ބޯޑަށް އެންމެ ފަހުން އައްޔަނު ކުރި މެންބަރަކީވެސް އެއީއެވެ.
ޕީސީބީގައި ޖުމްލަ މެންބަރުންގެ އަދަދަކީ ހަތަކެވެ.އެ ބޯޑުގައި މިހާރު ދައުރު ހަމަނުވެ އިންނެވީ ނައިބު ރައީސް މުހައްމަދު ފިރާޒް އެކަންޏެވެ.
