ރައީސް ޑރ މުހައްމަދު މުއިއްޒު ޗައިނާއަށް ކުރެއްވި ދަތުރުގައި ޖުމުލަކޮށް ހަރަދުވެގެންދިޔައީ 2.4 މިލިއަނާއި ގާތް ކުރާ އަދަދެއްކަމަށް ރައީސް އޮފީހުން ހިއްސާކޮށްފިއެވެ.
ރައީސް އޮފީހުން މީޑިއާތަކާއި ހިއްސާކޮށްފައިވާގޮތުން ރައީސް މުއިއްޒު ކުރެއްވި ދަތުރުގައި ޖުމުލަކޮށް ނަގާފައިވަނީ 59 ޓިކެޓެވެ. އެގޮތުން މާލެ އިން ސިންގަޕޫރުން ޗައިނާގެ ޒިއަމެންއަށް ދިއުމަށް 3 ބިޒްނަސް ކްލާސް ޓިކެޓު ނެގިކަމަށާއި އެކަމަށް 185،825.42 ރުފިޔާ ހަރަދުވިކަމަށް ހިއްސާކޮށްފައިވެއެވެ. އަދި ހަމަ އެ ދަުތުރުގައި އިކޮނޮމިކް ކްލާހުން 27 ޓިކެޓު ނެގިއިރު ޖުމުލަކޮށް 676،552.50 ހަރަދުވިކަމަށް ރައީސް އޮފީހުން ހިއްސާކޮށްފައިވެއެވެ.
ރައީސް އޮފީހުން ބުނެފައިވާގޮތުން އަނބުރާ އައުމަށްޓަކައި ބެއިޖިންގް ޑުބާއި އަދި މާލެއަށް ދަތުރުކުރާ އުޅަނދަކުން 10 ބިޒްނަސް ޓިކެޓު ނެގިކަމަށެވެ. އަދި އެކަމަށް 904،383 ރުފިޔާ ހަރަދުކަމަށާއި އިކޮނޮމިކް ކްލާހުން އެ ދަތުރުގައި 19 ޓިކެޓު ނެގިއިރު ހަރަދުކޮށްފައިވަނީ 253،720.68 ރުފިޔާކަމަށް ބުނެފައިވެއެވެ.
ރައީސް އޮފީހުންވަނީ އެ ދަތުރުގައި ހިނގާފައިވާ އިތުރު ހަރަދުތަކުގެ ތަފްސީލުތައްވެސް ހިއްސާކޮށްފައެވެ. އެގޮތުން 30 ބޭފުޅުންގެ ޕޮކެޓު މަނީގެ ގޮތުގައި 300،495 ރުފިޔާ ހޭދަވެގެންދިޔައިރު.، ދިވެހިންނާއި ބައްދަލުކުރުމަށް 3374 ރުފިޔާ އަދި ސިމްކާޑާއި ވީޕީއެންގެ ހަރަދުގެ ގޮތުގައި 14،341 ރުފިޔާގެ އިތުރުން އިންސިޑެންޓަލް ހަރަދުގެ ގޮތުގައި 89،419 ރުފިޔާ ހަރަދުވިކަމަށްވެސް ބުނެފައިވެއެވެ.
ރައީސް އޮފީހުން ބުނެފައިވާގޮތުން ޗައިނާއަށް ކުރެއްވި ދަތުރުގައި މުޅި ވަފުދުގެވެސް ކެއިންބުއިމާއި ހުރުން ހަމަޖައްސާފައިވަނީ ޗައިނާގެ ސަރުކާރުންކަމަށެވެ.
advertisment