ޕްރޮގްރެސިވް ކޮންގްރެސްގެ މަޖިލިސް ޕްރައިމަރީ އިންތިހާބުގެ ވޯޓުލާ ބައެއް ސަރަހައްދުތަކުގައި ހަމަނުޖެހުން ހިނގައިފިއެވެ.
ސޯޝިއަލް މީޑިއާގައި ކަލާފާނު ސްކޫލާއި ރެހެންދި ސްކޫލާއި އަދި ހެންވޭރުގައި ބަހައްޓައިފައިވާ ވޯޓު ފޮށި ހުރި ސަރަހައްދު ގައި ވަނީ ވަރަށް ބޮޑަށް ހަމަނުޖެހުން ހިނގަމުންދާ ކަމުގެ ވީޑިއޯ އާންމު ވަމުންނެވެ.
އެގޮތުން މައުލޫމާތު ލިބިފައިވާގޮތުން ވޯޓު ލާ މީހުންގެ ލިސްޓުން ނަން އުނިކޮށްފައިވާ ކަމުގެ ތުހުމަތާއެކު ވަނީ ވަރަށް ބޮޑެތި ހަމަނުޖެހުން ތަކެއް ހިނގާފައެވެ. ވޯޓު ފޮށި ބައިންދާފައިވާ ސަރަހައްދުން ވޯޓު ފޮށި ނަގައި އާންމުންގެ މެދުގައި ވަރަށްބޮޑަށް ދެބަސްވުނަތަކެއް ހިނގާފައިވާ ކަން ފާހަގަ ކުރެވެއެވެ. ވޯޓު ފޮށި ހުރި ސަރަހައްދުތަކުގައި އެ މިފަދަ މައްސަލަތައް ދިމާވެފައިވާއިރު އަދި ޕްރޮގްރެސިވް ކޮންގްރެސްގެ ފަރާތުން މިކަމާއި ގުޅިގެން ބަހެއްލިބިފައި ނުވާކަން ފާހަގަކުރެވެއެވެ.
މިފަދަ މައްސަލަތަކުގައި އިންތިހާބު އަމާންކަމާއެކު ކުރިއަށް ގެންދިއުމަށް އީސީންވެސް ވަނީ ބުނެފައެވެ.
advertisment