ޑިމޮކްރެޓިކް ވެއްޓެއްގައި ސިޔާސީ ގޮތުން ދޭ އެއްވެސް ހަމަލާތަކަށް ޖާގައެއް ނޯންނާނެކަމަށް ކުރީގެ ރައީސް، އަދި އެމްޑީޕީގެ ރައީސް އިބްރާހިމް މުހައްމަދު ސޯލިހު ވިދާޅުވެއްޖެ އެވެ.
މޫނު ނިވާކޮށްގެން ތިބި ބަޔަކު މިއަދުގެ ހެނދުނު ޕްރޮސެކިއުޓާރ ޖެނެރަލް ހުސެއިން ޝަމީމަށް ހަމަލާ ދިން މައްސަލައިގައި ރައީސް ސޯލިހު ވިދާޅުވީ އެ ހަމަލާ ކުށްވެރި ކުރާކަމަށެވެ.
މިއީ ސިޔާސީ މަގުސަދެއްގައި އިން ހަމަލާއެއްކަމަށް ތުހުމަތު ކުރައްވައި ޝަމީމް ވިދާޅުވީ އެފަދަ އަމަލުތަކަށް ޑިމޮކްރެޓިކް ވެށިތަކުގައި ޖާގައެއް ނޯންނާނެ ކަމަށެވެ.
މި ހަމަލާ ދިން މީހުން ވީހާވެސް އަވަހަށް ހޯދައި، ފިޔަވަޅު އެޅުމަށް ރައީސް ސޯލިހު ވަނީ ގޮވާލައްވާފަ އެވެ. އެމަނިކުފާނު ސަރުކާރުން އެކަމުގައި ސީރިއަސްކަމެއް ގެންގުޅުމަށް ވެސް އެދިވަޑައިގެންފަ އެވެ.
ޝަމީމަށް ދިން ހަމަލާގެ މައްސަލައިގައި މިހާތަނަށް މީހަކު ހައްޔަރުކޮށްފައި ނުވެއެވެ.
I condemn the violent assault on Prosecutor General Hussain Shameem this morning. I wish PG Shameem a speedy recovery.
Politically motivated acts of violence have no place in a democratic society and I call on the government to be swift in bringing the perpetrators to justice.
— Ibrahim Mohamed Solih (@ibusolih) January 31, 2024
މީޑިއާތަކަށް ފުލުހުން ބުނީ ހަމަލާ ދީފައި ވަނީ ތޫނު އެއްޗެއް ބޭނުންކޮށްގެން ނޫން ކަމަށެވެ. އަދި ސީރިއަސް ޒަހަމްތަކެއް ލިބިފައި ނުވާކަމަށް ވެސް މައުލޫމާތު ދިނެވެ.
ދައުލަތުގެ ޕްރޮސެކިއުޓަރ ޖެނެރަލަށް މިފަދަ ހަމަލާއެއް ދިނުމަކީ، އެއީ ސީރިއަސްކަމެއްކަމަށް ފާހަގަކޮށް އާންމުން ވަނީ ކަންބޮޑުވުންފާޅުކޮށްފަ އެވެ.
އެމްޑީޕީން ވެސް ބަޔާނެއް އާންމުކޮށް ބުނެފައި ވަނީ، މާރާމާރީތަކާއި މީހުންނަށް ދުވާލުގެ ވަގުތުތަކުގައި ހަމަލާތައް ދޭން ފެށުމުން ގައުމުގެ ހާލަތު ގޮސްފައިވާ ހިސާބު ސާފުވާކަމަށެވެ.
