އަރަބި ގައުމުތަކުން ކުރާ ހުރިހާ ކަންކަން ކޮޕީ ނުކުރުމަށް ރައީސް ޑރ މުހައްމަދު މުއިއްޒުއަށް ކުރީގެ ނައިބުރައީސް ޑރ މުހައްމަދު ޖަމީލު އަހުމަދު އިއުތިމާސް ކުރައްވައިފިއެވެ.
ނަމާދު ކުރާއިރު މިސްކިތުން ބޭރަށް އަޑު އިވޭގޮތަށް ހުންނަ ކަމަށްވުމުން ރައީސް މުއިއްޒުގެ ސަރުކާރުން ވަނީ މިސްކިތްތަކުގެ އަޑު ކަނޑުވާލާފައިކަމަށް ސިފަކުރައްވާ ޑރ ޖަމީލުވަނީ އެކްސްއެއް ކުރައްވާފައެވެ. ނަމާދުކުރާ އަޑު ބޭރަށް އިވޭތީ ހުއްޓުވުމަށް ސަރުކާރުން މަސައްކަތްކުރަމުންދަނީ ކޮން ސަބަބަކާއި ގުޅިގެންތޯ ޖަމީލު ސުވާޅުކުރެއްވިއެވެ. އަދި އަރަބި ގައުމުތަކުގައި ކުރާ ކޮންމެ ކަމެއް ރާއްޖޭގައި ކުރަންޖެހޭތޯ ވެސް ސުވާޅުކުރެއްވިއެވެ.
ޖަމީލު ވިދާޅުވީ، އަރަބި ނޫން ގިނަ އަދަދެއްގެ މުސްލިމު ގައުމުތައް ތިބޭކަމަށެވެ. އަދި އިންޑޮނީޝިއާ އާއި މެލޭޝިއާ ފަދަ ގައުމުތަކުންވެސް އަރަބި ދުނިޔޭޣައި ކުރާ ކޮންމެ ކަމެއް ކޮޕީ ނުކުރާކަން ޖަމީލް ފާހަގަ ކުރެއްވިއެވެ. އެހެންކަމުން ބަންގީގެ އަޑު މަޑުކުރުމުގެ ފަހަތުގައި ގުންގުޅޭ ވިސްނުން މުރާޖާކުރުމަށް ވަނީ އެދިވަޑައިގެންފައެވެ. އޭނާ ވިދާޅުވީ، މުޅި މާލެއިން ނަމާދުގެ އަޑު ކެނޑިފައިވާކަމަށެވެ.
advertisment
One Response
ޥެރިކަން ނުލިބުނަސް ޖަމީލު ތީބޮޑުވަރު ދޮގުހަދާލަން