މިފްކޯގެ ސީއީއޯ އަހުމަދު ޝަމާހުއަށް މަޖިލީހުގެ އެސްއޯއީ ކޮމިޓީއަށް ހާޒިރުވުމަށް އަންގައިފިއެވެ.
ރައްޔިތުންގެ މަޖިލީހުން މިފްކޯގެ ސީއެފްއޯ އިލްޔާސް ހަނީފްއަށް ފޮނުވާފައިވާ ސިޓީއެއްގައި އެ މުއައްސަސާއިންވަނީ ޕީސީބީއިން ޝަމާހުއާއި ގުޅޭ މައްސަލައެއް ބަލަމުންދާކަމަށް އަލިއަޅުވާފައެވެ. އަދި އެކަމާއި ގުޅިގެން އޭނާ 14 ދުވަހުގެ މުއްދަތަކަށް މަގާމުގެ މަސްއޫލިއްޔަތުތަކުން ދުކުރެވިފައިވާކަމަށްވުމުން މައުލޫމާތު ސާފުކުރުމަށް ޝަމާހުއާއި ބައްދަލުކުރުމަށް ބޭނުންވާކަމަށް ބުނެފައިވެއެވެ.
އެހެންކަމުން މާޗު މަހުގެ 25 ވަނަ ދުވަހު ރައްޔިތުންގެ މަޖިލީހުގެ އިދާރާއަށް ހާޒިރުވުމަށް ކޮމިޓީއިން އެދޭކަމަށާއ ި ބައިވެރިވެވެގެން ނެތް ހާލަތެއްގައި އެންގުންމަށްވެސް ބުނފައިވެއެވެ.
ޝަމާހު ކޮމިޓީއަށް ހާޒިރުކުރާކަން ހާމަކޮށްފައިވަނީ އޭނާ އާއި ގުޅުންހުރި މައްސަލައެއް މީޑިއާތަކުގެ ފަލަ ސުރުހީތަކުގެ ތެރޭގައި ހިމެނިފައިވަނިކޮށް ކަމަށްވާއިރު މިފްކޯއިންވަނީ އޭނާ ރައްޔިތުންގެ މަޖިލީހުގައި ބޭއްވުމަށް ހަމަޖެހިފައިވާ ކޮމިޓީ ބައްދަލުވުމަށް ވަޑައިގަންނަވާނެކަން ކަށަވަރުކޮށްދީފައެވެ.
advertisment