އަންނަ އާދިއްތަ ދުވަހު ބޭއްވުމަށް ހަމަޖެހިފައިވާ ރައްޔިތުން މަޖީލީހުގެ އިންތިޙާބުގައި ވޯޓުމެގުމަށްޓަކައި ޖުމްލަ 287،462 ވޯޓު ކަރުދާސް ޗާޕުކޮށްފައިވާ ކަމަށް އިލެކްޝަން ކޮމިޝަންއިން ހާމަކޮށްފިއެވެ.
ރައްޔިތުންގެ މަޖިލީހުގެ 93 ދާއިރާއަށް މެމްބަރުން އިންތިހާބު ކުރާއިރު ޖުމްލަ 287،462 ވޯޓު ކަރުދާސް ޗާޕްކޮށްފައިވަނީ ދިވެހިރާއްޖޭގެ ޗާޕްޚާނާއެއް ކަމުގައިވާ ނޮވެލްޓީ ޕްރިންޓަރސް އެންޑް ޕަބްލިޝާރސް ޕްރައިވެޓް ލިމިޓެޑުންކަމަށް އީސީން ވަނީ ހާމަކޮށްފައެވެ.
ވޯޓުލާ މަރުކަޒުތަކަށް ބޭނުންވާ ތަކެތި ފޮނުވުމުގެ މަސައްކަތް މިހާރު ކުރަމުންދާ ކަމަށް ވެސް އީސީން ވަނީ ބުނެފައެވެ.
ރައްޔިތުންގެ މަޖިލީހުގެ އިންތިޚާބު 2024 ގެ ވޯޓުލާ މަރުކަޒުތަކަށް ބޭނުންވާ ތަކެތި ފޮނުވުމުގެ މަސައްކަތް މިއަދު ފަތިހު 4:00 ގައި ވަނީ ފަށާފައި. މިއަދު ތަކެތި ފޮނުވަން ހަމަޖެހިފައިވަނީ ށ، ނ، ރ، ބ އަދި ޅ އަތޮޅަށް. #vihi24 pic.twitter.com/qhoVFeGJi2
— Elections Commission (@ElectionsMv) April 17, 2024
ވޯޓުލާ މަރުކަޒުތަކުގެ ތެރެއިން މިހާތަނަށް އއ، އދ، ފ، ދ އަދި ތ. ލ. ގއ. ގދ. ފުވައްމުލައް ސިޓީ އަދި އައްޑޫ ސިޓީއަށް ތަކެތި ވަނީ ފޮނުވާފައެވެ. 93 ދާއިރާއަށް 600 އަށް ވުރެން ގިނަ ވޯޓު ފޮށި ބެހެއްޓުމަށް އީސީންވަނީ ނިންމާފައެވެ. އިންތިހާބުގެ ވޯޓު ކަރުދާސްގައި ފާހަގަ ޖަހަން ޖެހޭނީ ކަޅުކުލަ ނޫނީ ނޫކުލަ ގަލަމަކުން ކަންމަށް ވެސް އީސީ ވަނީ ކަނޑައަޅާފައެވެ. އިންތިހާބުގެ ވޯޓުލުން ކުރިއަށް ދާނީ އާދީއްތަ ދުވަހުގެ ހެނދުނު 8:00 އިން ފެށިގެން 5:30 އަށެވެ.
advertisment