ޗީފް އޮފް ޑިފެންސް ފޯސް ލެފްޓިނެންޓް ޖެނެރަލް ޢަބްދުއްރަޙީމް ޢަބްދުއްލަޠީފް ސިފައިންގެ ޤާނޫނުގައިވާގޮތުގެމަތިން ޝަރަފުވެރިކަމާއެކު ޚިދުމަތުން ރިޓަޔަރ ކުރައްވައިފިއެވެ.
“އެކްސް” ގައި ކުރި ޕޯސްޓެއްގައި ޑިފެންސް ފޯސްއިން ބުނެފައި ވަނީ 39 އަހަރުގެ ޚިދުމަތަށްފަހު، އުމުރުފުޅުން 60 އަހަރު ފުރުމާއެކު ސިފައިންގެ ޤާނޫނުގައިވާގޮތުގެމަތިން ޝަރަފުވެރިކަމާއެކު ސިފައިންގެ ޚިދުމަތުން ލެފްޓިނެންޓް ޖެނެރަލް ޢަބްދުއްރަޙީމް ޢަބްދުއްލަޠީފް ރިޓަޔަރ ކުރައްވައިފިކަމަށެވެ.
ޗީފް އޮފް ޑިފެންސް ފޯސް ލެފްޓިނެންޓް ޖެނެރަލް ޢަބްދުއްރަޙީމް ޢަބްދުއްލަޠީފް، 39 އަހަރުގެ އިޚްލާޞްތެރި ޚިދުމަތަށްފަހު، އުމުރުފުޅުން 60 އަހަރު ފުރުމާއެކު ސިފައިންގެ ޤާނޫނުގައިވާގޮތުގެމަތިން ޝަރަފުވެރިކަމާއެކު ސިފައިންގެ ޚިދުމަތުން ރިޓަޔަރ ކުރައްވައިފި.https://t.co/hMxpckeaS6 pic.twitter.com/1m61Uq9kSm
— Maldives National Defence Force (@MNDF_Official) April 18, 2024
ޢަބްދުއްރަޙީމް ސިފައިންގެ ޚިދުމަތާ ގުޅިވަޑައިގަތީ ފެބްރުއަރީ 18، 1985 ގައެވެ. ޗީފް އޮފް ޑިފެންސް ފޯސް ލެފްޓިނެންޓް ޖެނެރަލް ޢަބްދުއްރަޙީމް ޢަބްދުއްލަޠީފްއަކީ ދިވެހި އަސްކަރިއްޔާގެ ތާރީޚުގައި، ލެފްޓިނެންޓް ޖެނެރަލްގެ ރޭންކާއި ހަމައަަށް ވަޑައިގެންނެވި ތިންވަނަ ބޭފުޅާއެވެ.
އޭނާ އަދާކުރެއްވި މަގާމުތަކުގެ ތެރޭގައި، ޗީފް އޮފް ޑިފެންސް ފޯސް، ވައިސް ޗީފް އޮފ ޑިފެންސް ފޯސ،ް އެކި ޔުނިޓް ތަކުގެ ކޮމާންޑަރ، ކޯ ކޮމާންޑަރ، އޭރިޔާ ކޮމާންޑްގެ ކޮމާންޑަރ، އަދި ސިފައިންގެ ތަރުޖަމާނުކަން އަދި ސަިފައިންގެ މާލީ ޒިންމާދާރުވެރިޔާގެ މަގާމު ހިމެނެއެވެ.
އަބްދުއްރަހީމް ރިޓަޔާކުރެއްވުމަށް ސިފައިންގެ މައިމަރުކަޒުގައި ބޭއްވި ރަސްމިއްޔާތުގައި ސިފައިންގެ އެންމެ މަތީވެރިޔާ ރައީސް މުޢިއްޒު ދެއްވާ ޚާއްސަ ސިޓީފުޅު އަދި، އިޚުލާސްތެރި ޚިދުމަތް ރަމްޒުކޮށްދޭ ޑެކަރޭޝަން ބޯޑު ލެފްޓިނެންޓް ޖެނެރަލް ރިޓަޔާޑް ޢަބްދުއްރަޙީމާ ޙަވާލުކޮށްދެއްވީ ދިފާޢީ ވަޒީރު، މުޙައްމަދު ޣައްސާން މައުމޫނެވެ. މި ރަސްމިއްޔާތުގައި އެމްއެންޑީއެފުން ދެއްވާ ސިޓީފުޅާއި ރިޓަޔަމަންޓްގެ ރަމްޒީ ކާޑު، ހަވާލުކޮށްދެއްވީ ވައިސް ޗީފް އޮފް ޑިފެންސް ފޯސް، ބްރިގޭޑިއަ ޖެނެރަލް އިބްރާހީމް ޙިލްމީއެވެ.
advertisment