އީވާ ބަލިކޮށް ކުޑޫ މަޖިލީހަށް!

ރައްޔިތުންގެ މަޖިލީހުގެ ގަލޮޅު އުތުރު ދާއިރާގެ ގޮނޑި ދެވަނަ ދައުރަކަށް ވާދަކުރެއްވި މެމްބަރު އީވާ އަބްދުﷲ ބަލިކުރެއްވުމަށްފަހު އެމްޑީޕީގެ ކެންޑިޑޭޓު މުހައްމަދު އިބްރާހިމް (ކުޑޫ) އެ ގޮނޑި ކާމިޔާބުކޮށްފިއެވެ.

20 ވަނަ ރައްޔިތުންގެ މަޖިލީހުގެ އިންތިހާބުގައި 93 ދާއިރާއަކަށް 368 ކެންޑިޑޭޓުން ވާދަކުރެއްވިއިރު، މަޖިލީހުގެ ގަލޮޅު އުތުރު ދާއިރާއަށް ސަރުކާރު ތަމްސީލުކުރާ ޕާޓީ ޕީއެންސީގެ އިތުރުން މައި އިދިކޮޅު އެމްޑީޕީ އަދި ޑިމޮކްރެޓްސްއިންވެސް ވަނީ ވާދަކޮށްފައެވެ. މިނިވަން ކެންޑިޑޭޓުންވެސް ވާދަކުރެއްވި މި ދާއިރާގެ މެމްބަރުކަން ކުރައްވަމުން އައި އީވާއަށް ލިބިވަޑައިގަތީ 64 ވޯޓުކަމަށްވާއިރު، އިންތިހާބު ކާމިޔާބުކުރެއްވި މުހައްމަދު އިބްރާހިމް އަށް އިންތިހާބުގައި ލިބުނީ 100 ވޯޓުކަމަށްވާއިރު ދެވަނަ އަށްވެސް އެންމެ ގިނަ ވޯޓު ހޯއްދަވާފައިވަނީ އަމިއްލަ ގޮތުން ވާދަކުރެއްވި އައިމިނަތު ނާދިރާއެވެ.

މި ދާއިރާގައި ވޯޓު ލިބުމުގެ ހައްގު ލިބިފައިވަނީ 3832 މީހަކަށެވެ. މިހާރު ވަގުތީ ނަތީޖާ އިއުލާނުކޮށްފައިވާއިރު، އީވާވަނީ ސޯޝަލްމީޑިއާ މެދުވެރިކޮށް ބަލި ގަބޫލުކުރެއްވިކަން އިއުލާނުކުރައްވާފައެވެ.