ސަރުކާރުން ރައްޔިތުންނަށް ދޫކޮށްފައިވާ ބިންތައް، އަމިއްލަ ބިންތަކަށް ހަދައިދިނުމަށް މާފަންނު މެދު ދާއިރާގެ މެމްބަރު އިބްރާހީމް ރަޝީދު (ބޮންޑެ) ގޮވާލައްވައިފިއެވެ.
އިބްރާހީމް ރަޝީދު މިފަދައިން ވިދާޅުވީ މަޖިލީހުގައި މިއަދު ކުރިއަށްގެންދިޔަ ބިމާ ބެހޭ ބިލަށް ބަހުސް ކުރައްވަމުންނެވެ. މިއީ ރައްޔިތުންގެ މައްސަލަތަކަށް ހައްލު ހޯދައިދޭނެ ބިލެއްކަމަށް އިބްރާހީމް ރަޝީދު ވިދާޅުވިއެވެ.
އެގޮތުން ރިއަލްއެސްޓޭޓް ވިޔަފާރީގެ ދާއިރާގައި ހަރަކާތްތެރިވާ ޕްރޮމޯޓަރުންނާއި، ޑިވެލޮޕަރުންނާއި ރަޖިސްޓްރީކުރުމުގެ އުސޫލުތަކާއި، އެފަދަ މަޝްރޫއުތައް ހިންގުމުގެ ޒިންމާތައް ބަޔާންކުރުން މި ބިލުގައި ހިމެނޭކަން އިބްރާހީމް ރަޝީދު ފާހަގަކުރެއްވިއެވެ.
ބަންޑާރަ ނަމުގައި ހުންނަ ބިންތައް، އަމިއްލަ ބިންތަކަށް ހަދައިފިނަމަ އެކަމުގެ ފައިދާ ގައުމުގެ އިގްތިސާދަށް ކުރާނެކަމަށް އިބްރާހީމް ރަޝީދު ވިދާޅުވިއެވެ.
ބަންޑާރަ އޭ ކިޔާފަ އޮންނަނީ ނަމެއްގަ. އެބިންތައް ޕްރައިވެޓް ލޭންޑުތަކަށް އަމިއްލަ ބިންތަކަށް ބަދަލުކުރަަންޖެހޭ. 10 އިންސައްތަ ނުދެއްކިގެން އެބިން ބާއްވަން ޖެހޭނީ ނުހެދިފަ ދުނިޔެ އުމުރަށް، މުސްކުޅިވާއިރުވެސް.
އިބްރާހީމް ރަޝީދު ވިދާޅުވިއެވެ.
ރޭގަނޑު ކޮމިޓީ ބާއްވައިގެން ނަމަވެސް، ބިމާ ބެހޭ ބިލާއި، ރިއަލް އެސްޓޭޓް ބިލު ފާސް ކުރަން ޖެހޭކަމަށް އިބްރާހީމް ރަޝީދު ވިދާޅުވިއެވެ.