ނުރަސްމީ ދަތުރުފުޅެއްގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒާއި އެމަނިކުފާނުގެ އަނބިކަނބަލުން ސާޖިދާ މުޙައްމަދު ސިންގަޕޫރަށް ފުރާވަޑައިގެންފިއެވެ.
ދެކަނބަލުން ވަނީ މާރޗު މަހު ވެސް ނުރަސްމީ ދަތުރުފުޅެއްގައި ސިންގަޕޫރަށް ވަޑައިގެންފައެވެ. މިއީ ރައީސުލްޖުމްހުރިއްޔާ ޑރ. މުޙައްމަދު މުއިއްޒު ވެރިކަމާ ހަވާލުވެވަޑައިގެންނެވި ފަހުން ކުރައްވާ ނުރަސްމީ ދެވަނަ ދަތުރުފުޅެވެ. ރައީސްގެ ވެރިކަމުގެ ފުރަތަމަ ހަތަރު މަހުގެތެރޭގައި އެމަނިކުފާނު ވަނީ 3 ޤައުމަކަށް ރަސްމީ ދަތުރުފުޅުތަކެއް ކުރައްވާފައެވެ. އެއީ ތުރުކީވިލާތާއި އެކުވެރި އަރަބި އިމާރާތާއި ޗައިނާއަށެވެ. ތުރުކީވިލާތަށް ގޮސް ރާއްޖޭގެ އެކްސްޕޯޓްކުރާ ފަރާތްތަކަށް ކޮންސެޝަނަލް އިމްޕޯޓް ޓެރިފްތަކާއި، ޓެރިފް ނޫން ހުރަސްތައް ކުޑަކޮށްގެން، ތުރުކީގެ މާކެޓަށް ޕްރެފަރެންޝަލް އެކްސެސް ހޯދައިދިނުމަށް އެ ރަސްމީ ދަތުރުފުޅު ގައި ވަނީ މަސައްކަތްކޮށްފައެވެ.
އެކުވެރި އަރަބި އިމާރާތަށް ރައީސް ދެ ފަހަރެއްގެ މަތިން ވަޑައިގަންނެވިއެވެ.