މާލޭ އިންޑަސްޓްރިއަލް ވިލެޖް ސާފުކުރުމުގެ މަސައްކަތް މާލެ ސިޓީ ކައުންސިލްގެ ފަރާތުން ފަށައިފިއެވެ.
އިންޑަސްޓްރިއަލް ވިލެޖް ސާފުކުރުމުގެ ހަރަކާތުގެ ވެމްކޯއާއި ސިޓީތަކާއި ބެހޭ ވުޒާރާ އާއި ގެދޮރުވެރިކަމާއި ބެވޭ ވުޒާރާ އާައި އެމްޕީއެލްއާއި ފުލުހުން ވެސް ބައިވެރިވާ ކަމަށް ކައުންސިލުން ވނީ ބުނެފައެވެ.
މާލޭ އިންޑަސްޓްރިއަލް ވިލެޖު ސާފުކޮށް، އިތުރަށް އެ ސަރަހައްދު ސާފުކޮށް ބޭއްވުމަށްޓަކައި، މިނިސްޓްރީގެ އިސްނެގުމުގެ މަތިން އެކަމާއި ގުޅުންހުރި ފަރާތަތަކާއިއެކު ބައްދަލުކުރައްވައިފިއެވެ. pic.twitter.com/DfnAzu8r6K
— Ministry of Housing, Land and Urban Development (@MHLUDmv) May 3, 2024
ކައުންސިލުން ބުނީ އެ ސަރަހައްދު ސާފުކުރުމަށް ފަހުގައި ބައެއް މަގުތަކަށް އާންމުނަށް ނުވަދެވޭ ގޮތައް ބަންދުކުރާނެ ކަމަށާއި އެގޮތަށް ނިންމާފައިވަނީ އެ މަގުތަކުގައި ޕިކަޕުތައް ޕާކުކޮށް ކުނިއަޅާތީ ކަމަށެވެ. މާލެ ސަރަހައްދުގައި ބަލިތައް އިތުރުވަމުންދާތީ އެ ސަރަހައްދު ސާފު ކުރަމުންދާ ކަމަށް ސިޓީ ކައުންސިލުން ވަނީ ބުނެފައެވެ. އަދި އެ މަސައްކަތް ކުރަމުންދަނީ މާލެ ސާފުކޮށް ބެހެއްޓުމަށް ކައުންސިލުން ކުރަމުންދާ މަސައްކަތުގެ ދަށުން ކަމަށް ވެސް ބުނެފައިވެއެވެ.
އިންޑަސްޓްރިއަލް ވިލެޖަކީ ގުދަންތަކާއި ވޯކްޝޮޕާއި ވެހިކަލް މަރާމާތުކުރާ ގަރާޖު ފަދަ ތަންތަން، މާލެ ތެރޭގައި ހެދުން ހުއްޓުމަކަށް ގެނެސް، އެފަދަ ތަންތަން މީހުން އުޅޭ ސަރަހައްދާ ދުރަށް ގެންދަން ކަމަށް ބުނެ، ރައީސް ޔާމީން އަބްދުލް ގައްޔޫމްގެ ސަރުކާރުން ހިއްކި ސަރަހައްދެކެވެ.