އިންޑިއާއަށް ކުރެއްވި ރަސްމީ ދަތުރުފުޅުގެ ތެރެއިން ފޮރިން މިނިސްޓަރ މޫޒާ ޒަމީރު އެ ގައުމުގައި ދިރިއުޅޭ ދިވެހިންނާއި ބައްދަލު ކުރައްވައިފި އެވެ.
ތާޖް ޕެލަސް ހޮޓެލްގައި ބޭއްވި ބައްދަލުވުމުގައި ޒަމީރު ވަނީ ދިއްލީގައި ތިބި ދިވެހި ރައްޔިތުންނާ ބައްދަލު ކުރައްވާފަ އެވެ. ބައްދަލުވުމަށް ފަހު ޒަމީރު ކުރެއްވި ޕޯސްޓެއްގައި ވިދާޅުވީ އެ ސިޓީގައި ދިރިއުޅޭ ދިވެހިން ހިދުމަތް ހޯދުމުގައި ދިމާވާ ދަތިތައް އޮޅުންފިލުގައި އެކަން ހައްލު ކުރުމާއި ގުޅޭގޮތުން މަޝްވަރާ ކުރެވުނު ކަމަށެވެ.
ޒަމީރު ވިދާޅުވީ ވިސާ ހޯދުމަށް ނިއުދިއްލީއަށް ދަތުރު ކުރަން ޖެހޭ ދަރިވަރުންގެ އަދަދު ވެސް އިތުރުވަމުންދާކަން ފާހަގަކުރެވިފައިވާކަމަށާއި، އެ ދަރިވަރުންނަށް ދިމާވާ ދަތިތައް ވެސް ދެނެގަނެ އެކަމަށް ވެސް މަޝްވަރާ ކުރެވުނު ކަމަށެވެ.
Had the opportunity to interact with the Maldivian community residing and visiting New Delhi.
There is a growing number of students visiting New Delhi to lodge visa and I am committed to working with the relevant authorities to address some of the concerns and challenges they… pic.twitter.com/p64Z25zcwy
— Moosa Zameer (@MoosaZameer) May 9, 2024
ތިން ދުވަހުގެ މުއްދަތަކަށް ޒަމީރު އިންޑިއާއަށް ކުރައްވާ މި ދަތުރުފުޅުގައި އެ ގައުމުގެ އެކްސްޓާނަލް އެފެއާޒް މިނިސްޓަރ ޑރ. ސުބްރަމާނިއަމްއާއި ވަނީ ބައްދަލު ކުރައްވާފަ އެވެ. އަދި ދެ ބޭފުޅުންގެ މެދުގައި ކުރި މަޝްވަރާތަކުގައި ވަނީ އިންޑިއާގެ ސިފައިން ފޮނުވާލުމުގެ އެއްބަސްވުމުގެ ދަށުން ކުރިޔަށް ގެންދާ އެންމެ ފަހު މަރުހަލާގެ މަސައްކަތްތައް ކުރިޔަށް ދާގޮތް އޮޅުންފިލުވާފަ އެވެ.
މި މަޝްވަރާގައި ދެ ގައުމު ވެސް ދިން ޔަގީންކަމަކީ އިގްތިސާދީ ގޮތުންނާއި އިޖްތިމާއީ ގޮތުން އެހީތެރިކަން ހޯދުމުގައި އެކުގައި ދެމި އޮންނާނެ ކަމަށެވެ. އަދި ޒަމީރު ވަނީ ރާއްޖެއަށް ބޭނުންވާ ކޮންމެ ހާލަތެއްގައި އިންޑިއާ ފޯރުކޮށްދޭ އެހީތެރިކަމަށް ޝުކުރު އަދާކުރައްވާފަ އެވެ.
