ކޮންމެ ސަރުކާރެއްގައި ވެސް ދައުލަތުގެ މަގާމުތައް އަދާކޮށްގެން މުހައްމަދު މަލީހު ޖަމާލަށާއި، ޑރ. މުހައްމަދު ޖަމީލު އަހުމަދަށް ކުރެވުނު ވަކި މޮޅުކަމެއް ނެތްކަމަށް ޓޫރިޒަމް މިނިސްޓަރ އިބްރާހިމް ފައިސަލް ވިދާޅުވެއްޖެ އެވެ.
ރައީސް ޑރ. މުހައްމަދު މުއިއްޒާއި ދެކޮޅުވެ، ކުރީގެ ރައީސް އަބްދުﷲ ޔާމީން އަބްދުލްގައްޔޫމް އުފެއްދެވި ޕީޕަލްސް ނެޝަނަލް ފްރޮންޓް (ޕީއެންއެފް) ގައި އިސްކޮށް އުޅުއްވާ މަލީހާއި ޖަމީލު ކެބިނެޓު ވަޒީރުންގެ ތެރެއިން އެންމެ ބޮޑަށް ނުރުހުން ވަނީ ފައިސަލްއަށެވެ.
ވެރިކަން ކުރާ މައި ޕާޓީގެ ޗެއާޕާސަން، އަދި ރައީސް މުއިއްޒުގެ ސްޕެޝަލް އެޑްވައިޒަރު އަބްދުއްރަހީމް އަބްދުﷲ ގެ ދަރިކަލުން ފައިސަލްއާއި ޒާތީ ގޮތުން ދިމާކުރައްވައި ޖަމީލާއި މަލީހު ވަނީ އެކި ފާޑުކިއުންތަކުގެ ޕޯސްޓުތައް ކުރައްވާފަ އެވެ.
Hurihaa sarukaarehga ministarukamuga vaki molhu kameh kurevunutho? Alhugandu mee enme molhu meehaa kamakah nubunan. Molhethi meehun akee anekaa ah ihthiraamkuraa meehun. jameel adhi maleehah ves othee miadhu ge siyaasee hageegah gaboolukurun. Thihen adhi fahathakah nujehseyne 😁 https://t.co/YQGk97gMtF
— Ibrahim Faisal (@lasiaF969) May 10, 2024
ފާޑުކިއުންތަކަށް ރައްދު ދެއްވައި ފައިސަލް ވިދާޅުވީ، ހުރިހާ ސަރުކާރެއްގައި މިނިސްޓަރުކަންކޮށް މަލީހަށް ލިބުނު ވަކި މޮޅެއް ނުވަތަ ކުރެވުނު މޮޅުކަމެއް ނެތްކަމަށެވެ. ފައިސަލް ވިދާޅުވީ އޭނާއަކީ މާ މޮޅު މީހެއްކަމަށް އެއްއިރެއްގައި ވެސް ވިދާޅުވެފައި ނުވަނެކަމަށާއި، މިހާ މޮޅު މީހަކަށް ވަނީ އަނެކާއަށް ކުރާ އިހުތިރާމަށް ކަމަށެވެ.
ފައިސަލް ވިދާޅުވީ ޖަމީލާއި، މަލީހު ދެބޭފުޅުންނަށް އޮތް ހަމައެކަނި ގޮތަކީ ސިޔާސީ ހަގީގަތް ގަބޫލު ކުރުންކަމަށެވެ. އަދި ދެބޭފުޅުން ދައްކާ ވާހަކައަކުން ފަހަތަށް ނުޖެއްސޭނެކަމަށް ވިދާޅުވި އެވެ.
ރައީސް ޔާމީނާއި އެކު މަސައްކަތް ކުރައްވަމުން ގެންދަވާ، މަލީހާއި ޖަމީލަށް ސަރުކާރުގެ އިސްބޭފުޅުން ވަނީ ރައްދު ދެއްވައި ދެ ބޭފުޅުން ވެސް ބޭނުން ވަނީ މަގާމުތައްކަމަށް ވިދާޅުވެފަ އެވެ. އަދި ކޮންމެ ސަރުކާރެއްގައި މަލީހަކީ ވަޒީރުގެ މަގާމު ދޭން ޖެހޭ ބޭފުޅެއް ނޫންކަމަށް ވަނީ ވިދާޅުވެފަ އެވެ.
