ދިރާސީ އައު އަހަރަށް ސުކޫލުތަކަށް ދަރިވަރުން ވެއްދުމަށް ހުޅުވާލި މުއްދަތު އެޑިއުކޭޝަން މިނިސްޓަރީއިން އިތުރުކޮށްފިއެވެ.
އެގޮތުން މުއްދަތު އިތުރު ކޮށްފައިވަނީ މި މަހުގެ 15 އަދި 16 ގެ 2:00 ގެ ނިޔަލަށެވެ. މިނިސްޓްރީއިން މިކަން ހާމަ ކޮށްފައިވަނީ އެކްސްގައި ހިއްސާ ކުރެއްވި ޕޯސްޓެއްގައެވެ.
ސުކޫލު ބަދަލު ކުރުމުގެ ފޯމު ހުށަހެޅުމުގެ ފުރުސަތު ހުޅުވާލާފައި ވަނީ:
- ސަރުކާރު ސުކޫލެއްގެ ފައުންޑޭޝަން ސްޓޭޖްގެ ކުލާހަށް ވައްދަން ބޭނުންވާ ދަރިވަރުން
- ގްރޭޑް އެކަކަށް އަލަށް ވައްދަން ބޭނުންވާ ދަރިވަރުން
- ޕްރައިވެޓް ސުކޫލަކުން ސަރުކާރު ސުކޫލަކަށް ބަދަލުވާން ބޭނުންވާ ދަރިވަރުުން
- ރާއްޖެއިން ބޭރުގެ ޤައުމެއްގައި އުޅެފައި ރާއްޖެއަށް ބަދަލުވެ، ސަރުކާރު ސުކޫލަކަށް ވަންނަން ބޭނުންވާ ދަރިވަރުން
އިތުރުކޮށްފައިވާ މުއްދަތުގައި ބަލައިގަންނަނީ ހަމައެކަނި މި ފަރާތްތަކުގެ ފޯމެވެ.
ލޭޓް އެޑްމިޝަންއަށް ހުޅުވާލުން.
ފޯމު ހުށައެޅުއްވުމަށް 👇https://t.co/prRls7KOXa pic.twitter.com/wbJOAH9RDT— Ministry of Education (@MoEdumv) May 13, 2024
މީގެ ކުރީގައި މި މުއްދަތު ހަމަވާ ގޮތަށް އޮތީ މި މަހުގެ 7 ވަނަ ދުވަހު 14:00 ގެ ނިޔަލަށެވެ. މި މުއްދަތުގައި ހުށައަޅާފައިވާ ފޯމުތަކަށް އިއްޔެ ވަނީ ޖަވާބު ފޮނުވާފައެވެ.
ދިރާސީ އައު އަހަރު ފެށޭނީ މި މަހުގެ 26 ގައެވެ. ނަމަވެސް ސަރުކާރުން ވަނީ ދިރާސީ އާ އަހަރު ޖެނުއަރީ މަހަށް ބަދަލުކުރުމަށް ނިންމާފައެވެ. އެއީ ކޮވިޑް 19 ގެ ކުރީގައި އޮތް ގޮތެވެ.
