މާބަނޑު އަންހެނަކަށް އާއިލާއިން އަނިޔާކުރިކަމަށް ބުނާ މައްސަލައިގައި އަދި މީހަކު ހައްޔަރުކޮށްފައި ނުވާކަމަށް ފުލުހުން ބުނެފިއެވެ.
މާ ބަނޑު އަންހެން މީހާއަށް އަނިޔާ ކުރި ޚަމަށް ތުހުމަތު ކުރީ، އޭނާގެ ބައްޕައާއި ކޮށްކޮއަށެވެ. އަނިޔާދީފައިވާ ފޮޓޯތައްވެސް ސޯޝަލް މީޑިއާގައި ހިއްސާ ކުރިއެވެ.
މި މައްސަލަ ފެންމަތިވުމާއިއެކު، މައްސަލަ ބަލާނެކަމަށް ފުލުހުން ބުނިއެވެ. އެއީ މީގެ 4 ދުވަސް ކުރިއެވެ. އޭގެ ފަހުން އިތުރު ތަފްސީލެއް ފުލުހުން ހިއްސާއެއް ނުކުރެއެވެ.
މި މައްސަލައިގައި ފުލުހުންގެ ތަރުޖަމާނު އަހުމަދު ޝިފާން ވިދާޅުވި ގޮތުގައި، މައްސަލަ ތަހުގީގު ކުރަމުންދަނީ މިކަމާއި ގުޅުން ހުރި އެހެން މުއައްސަސާތަކާއިވެސް ގުޅިގެންކަމަށެވެ.
