ސްކޫލާއި، ދިރިއުޅޭ ވެއްޓަކީ ދަރިވަރުންގެ ތަޢުލީމާއި ތަރުބިއްޔަތާއި ގުޅިފައިވާ މުހިންމު ދެ މާހައުލެއް ކަމަށް ނައިބު ރައީސް ހުސެއިން މުހައްމަދު ލަތީފް ވިދާޅުވެއްޖެއެވެ.
ނައިބު ރައީސް “ އެކްސް“ ގައި ކުރެއްވި ޕޯސްޓެއްގައި ވިދާޅުވީ، މި ފެށޭ ދިރާސީ އައު އަހަރުގެ ތަޙުނިޔާ ލޮބުވެތި ދަރިވަރުންނަށާއި، މުދައްރިސުންނަށް އަރިސްކުރާ ކަމަށާއި އަދި އައު އަޒުމަކާއެކު އިތުރު ކުރިއެރުން ޙާސިލް ކުރުމަށް ދަރިވަރުންނަށް ހިތްވަރުދޭ ކަމަށެވެ.
މީގެ އިތުރުން ކޮންމެ ދަރިވަރަކީވެސް މުޖުތަމަޢުއަށް މުހިންމު ދަރިވަރެއްގެ ގޮތުގައި ބިނާ ކުރުމަށް މުދައްރިސުންނާއި ބެލެނ ިވެރިންގެ ޒިންމާ ފުރިހަމައަށް އަދާކުރުމަށް ވަނީ އިލްތިމާސް ކޮށްފައެވެ. އަދި މި ދިރާސީ އައު އަހަރަކީ ހުރިހާ ގޮަތަކުންވެސް ފަހި އަހަރެއް ކަމުގައި ލެއްވުމަށް އެދި ވަނީ ދުޢާ ކުރައްވާފައެވެ.
މި ދިރާސީ އައު އަހަރުގެ ކިޔެވުން މިއަދު ފެށިފައިވާއިރު ފުރަތަމަ ޓާމުގެ ކިޔެވުން ނިމޭނީ މިއަހަރުގެ ސެޕްޓެންބަރު މަހުގެ 26 ވަނަ ދުވަހުއެވެ. އަދި ދެވަނަ ޓާމު ފެށިގެން ދާނީ އޮކްޓުބަރު މަހުގެ 6 ވަނަ ދުވަހު ގައެވެ.
