ކުރީގެ ރައީސް އިބްރާހިމް މުހައްމަދު ސޯލިހުގެ ވެރިކަމުގައި ކުރިޔަށް ގެންދިޔަ “ގެދޮރުވެރިޔާ ސްކީމް” ގެ ދަށުން ފްލެޓު ދިނުމުގެ ކަންތައްތަކުގައި މަސައްކަތް ކުރެއްވި ކޮމިޓީގެ ބޭފުޅުންގެ ގެތަކަށް އެންޓި ކޮރަޕްޝަން ކޮމިޝަން (އޭސީސީ) ވަދެއްޖެ އެވެ.
ކޮމިޝަނުން ބަލަމުންދާ މައްސަލައެއްގައި، އޭސީސީން ކޮމިޓީގެ މެމްބަރުންގެ ގެތަށް ބަލައި ފާސް ކުރަމުންދާކަން ވަނީ ޔަގީންކަންދީފަ އެވެ.
ކޯޓު އަމުރެއްގެ ދަށުން އޭސީސީން މެމްބަރުންގެ ގެތަކަށް ވަދެފައި ވަނީ ތަހުގީގު ކުރަމުންދާ މައްސަލައެއްގެ ހެކި ހޯދުމަށެވެ. މިވަގުތު އޭސީސީން ބަލައި ފާސްކުރަމުން ދަނީ ހައުސިން މިނިސްޓްރީގެ ކުރީގެ ސްޓޭޓް އަކްރަމް ކަމާލުއްދީނާއި، ފްލެޓު ކޮމިޓީގެ މެމްބަރު ލިރުގާމް ވަހީދު މުހައްމަދުގެ އިތުރުން އަހުމަދު ވިސާން އަދި މުހައްމަދު އާރިފްގެ ގެއެވެ.